Այս 6 կարևոր մթերքների ոչ բավարար օգտագործումը կարող է հանգեցնել սրտանոթային հիվանդությունների. գիտնականներ

ԵՐԵՎԱՆ, 12 հուլիսի./Նովոստի–Արմենիա/. Կանադացի հետազոտողները, որոնք ներկայացնում են McMaster համալսարանը, պարզել են, որ անոթների և սրտի առողջությունը մեծապես կախված է նրանից, թե ինչ մթերքներ են մարդիկ օգտագործում կանոնավոր կերպով, գրում է medikforum.ru–ն։

«Վեց առանցքային մթերքների ոչ բավարար օգտագործումը կապված է մեծահասակների մոտ սրտանոթային հիվանդությունների բարձր ռիսկի հետ»,- գիտնականների եզրակացությունը կարելի է կարդալ McMaster համալսարանի կայքում։


Հետևյալ մթերքները, ըստ մասնագետների, պետք է առկա լինեն ամենօրյա սննդակարգում, քանի որ դրանք զգալիորեն նվազեցնում են սրտի և անոթային հիվանդությունների ռիսկը.

• Միրգ
• Բանջարեղեն
• Լոբազգիներ
• Ընկույզ
• Ձուկ կամ անյուղ, չմշակված միս:
• Անարատ կաթից պատրաստված մթերք

Փորձագետները նաև հստակեցրել են, թե ինչ քանակությամբ պետք է օգտագործել այդ մթերքները.

• Միրգ՝ օրական երկու կամ երեք բաժին
• Բանջարեղեն՝ օրական երկու կամ երեք բաժին
• Ընկույզ՝ օրական մեկ բաժին
• Կաթնամթերք՝ օրական երկու չափաբաժին
• Լոբազգիներ.՝ շաբաթական երեք-չորս անգամ
• Ձուկ՝ շաբաթական երկու-երեք անգամ (մյուս օրերին՝ անյուղ միս, թռչնամիս):
• 
  

Փորձագետների եզրակացություններն արվել են PURE լայնածավալ հետազոտական նախագծի տվյալների վերլուծության հիման վրա։–0–