ԱՄՆ-ում գտել են միլիոնատիրոջ կողմից 10 տարի առաջ թաքցված գանձերը

ԵՐԵՎԱՆ, 9 հունիսի․ /Նովոստի-Արմենիա/․ ԱՄՆ-ի Ժայռոտ լեռներում (Յելոուսթոուն ազգային պարկ) գտել են միլիոն դոլար արժողությամբ մի գանձերը, որոնք թաքցրել էր կոլեկցիոներ Ֆորեսթ Ֆեննը: Այս մասին հայտնում է meduza.io-ն՝ հղում անելվ CBS News- ին:

Թանկարժեք քարերով, ոսկե մետաղադրամներով և զարդերով սնդուկի մասին Ֆեննը պատմել է 2010 թվականին իր ինքնակենսագրականում: Նա որոշել էր թաքցնել գանձերը 1990-ականների վերջին, երբ նրա մոտ քաղցկեղ էին ախտորոշել: Այսպիսով նա պատրաստվում էր իր մասին յուրահատուկ հիշողություն թողնել: Հիվանդության զարգացումը դադարեցվեց, բայց Ֆենն իր՝ գանձի հետ կապված գաղափարը միևնույնն է իրականացրեց:

Ըստ Ֆեննի, իր հետ կապվել է սնդուկը գտած անձը: Հայտնաբերածը հաստատելու համար նա լուսանկար է ուղարկել: Ինքնությունը բացահայտել նա չի ցանկացել: Ֆեննը հավելեց, որ, ըստ գանձը փնտրողի, նրան օգնել է միլիոնատիրոջ գրքի մեջի բանաստեղծությունը:

Գրքում ինը բանալի կա. միայն բոլորը լուծելուց հետո կարելի էր գտնել գանձերը: Հազարավոր մարդիկ զբաղվել են որոնումներով: Առնվազն չորս մարդ մահացել է: Ֆեննը ասել է, որ սնդուկը գտնվում է անվտանգ վայրում, բայց այնուամենայնիվ, որոնում կատարելիս անհրաժեշտ է զգուշություն ցուցաբերել:

CBS- ի այն հարցին, թե ինչպես է իրեն զգում այն բանից հետո, որ գանձերը գտել են, Ֆեննը ասել է. «Ես չգիտեմ: Հա՛մ ուրախ եմ, հա՛մ`տուր, քանի որ պատմությունն ավարտվեց»:-0-