89-ամյա ամերիկուհին բարձրացել է Կիլիմանջարո` իրեն վերադարձնելով համաշխարհային ռեկորդը

ԵՐԵՎԱՆ, 27 հուլիսի. /Նովոստի-Արմենիա/. ԱՄՆ բնակիչ Էնն Լորիմորը համաշխարհային ռեկորդ է սահմանել` բարձրանալով Աֆրիկայի ամենաբարձր Կիլիմանջարո հրաբխի գագաթը, հայտնում է lenta.ru-ն` հղում անելով ABC 15 հեռուստաալիքին:

Մի քանի տարի առաջ ամերիկուհին արդեն դարձել է Կիլիմանջարոն նվաճած ամենատարեց կինը, սակայն այդ տիտղոսը մի քանի ամիս անց նրանից վերցրել է մեկ այլ կին: Դրանից հետո ևս մի տղամարդ է թարմացրել ռեկորդը, և այդ ժամանակ Լորիմորը կրկին փորձել է նվաճել գագաթը:

«Եղավ պահ, երբ ես իսկապես մտահոգ էի, որովհետև ընկել էի վերելքից առաջ: Այնքան ուժեղ ցավոր ունեի, որ չէի կարողանում խորը շնչել: Վախենում էի, որ եթե բավարար թթվածին չստանամ, չեմ կարողանա բարձրանալ», — ասել է կինը:
Սակայն արդյունքում վերելքը հաջողվել է, և Լորիմորը վերադարձրել է իրեն տիտղոսը: Նրա խոսքով, մեկնում-վերադարձ ուղևորությունը տևել է ինն օր:

2017 թվականին Նիժնի Նովգորոդի բնակիչ Զինովի Սլավինսկին 87 տարեկանում բարձրացել է Էլբրուս: Այսպիսով, նա սահմանել է համաշխարհային տարիքային ռեկորդը: --0--