8 հայեր ԱՄՆ բանկերից 1.5 մլն դոլար են յուրացրել

ԵՐԵՎԱՆ, 3 հունիսի./Նովոստի–Արմենիա/. Լոս Անջելեսում կալանավորվել են հայեր, ովքեր մեղադրվում են ամերիկյան բանկերից 1.5 մլն դոլարի յուրացման համար։

Ինչպես նշվում է ԱՄՆ–ի իմիգրացիոն և մաքսային ոստիկանության պաշտոնական կայքում, գործով ևս մեկ կասկածյալ ներկայում հետախուզման մեջ է։

Հաղորդման համաձայն, կասկածյալներն օգտագործել են check-kiting (չեկերի կեղծում) խարդախ սխեմը և գումարներ են հափշտակել Bank of America–ից և Wells Fargo–ից։

Մասնավորապես, ինչպես ցույց է տվել հետաքննությունը, մեղադրյալներն օգտվել են մոտ երեք հարյուր հայկական իսկական անձնագրերից, լուսանկարները փոխարինել են սեփական լուսանկարներով, օգտագործել դրանք անձը հաստատող այլ փաստաթղթեր ստանալու համար, ինչից հետո դրանց միջոցով բանկային հաշիվներ են բացել։


Եզրակացության մեջ նշվում է, որ մեղադրյալներն օգտագոծել են Հայաստանի 331 անձնագիր։

Նշվում են կալանավորվածների անունները` Արա Մալխասյան (48 տարեկան), Սմբատ Խեչումյան (38 տարեկան), Սվետա Խեչումյան (45 տարեկան), Հարություն Պետրոսյանց (30 տարեկան), Արթուր Հարությունյան (34 տարեկան), Խաչատուր Չոբանյան (38 տարեկան), Ջիվան Հախնազարյան (49 տարեկան), Արման Գրիգորյան (37 տարեկան)։ Եվս մեկ կասկածյալ` Արտակ Հոխոյանը, համաձայնել է հանձնվել իշխանություններին։ -0-