ԵՐԵՎԱՆ, 26 մարտի. /Նովոստի–Արմենիա/. Աշխարհում ամեն ութերորդ կինը հիվանդ է կրծքագեղձի քաղցկեղով: Այսօր անհայտ է, թե ինչ պատճառով է, որ կանանց մի մասը հակված է այդ հիվանդությանը, իսկ մյուս մասը`ոչ, գրում է takprosto կայքը:
Կրծքագեղձի քաղցկեղի զարգացման վրա ազդող հիմնական գործոններից են տարիքը, գենետիկ հակվածությունը, գիրացումը դաշտանադադարից հետո կամ ավելորդ քաշը, ֆիզիկական ակտիվության պակասը, ալկոհոլի չարաշահումը և ուշ ծննդաբերությունը (35 տարեկանից հետո):
Հիվանդությունը վաղ փուլերում հաճախ ընթանում է առանց ախտանիշների, իսկ քաղցկեղի առաջին նշանները կարող են լինել կրծքագեղձի արտաքին տեսքի փոփոխությունը և կոշտուկները:
Կրծքագեղձի քաղցկեղի կանխարգելումը
Դու այն ես, ինչ ուտում ես... Բացի դեղորայքային ծանր հրետանուց, ուռուցքների դեմ պայքարում օգնում են նաև սովորական մթերքները:
1. Ջրիմուռ
Ծովային ջրիմուռները յոդի հարուստ աղբյուր են, իսկ յոդի ոչ բավարար քանակությունն օրգանիզմում հանգեցնում է կրծքագեղձի քաղցկեղի զարգացման ռիսկին։ Ջրիմուռներում առկա քլորոֆիլն ունի հզոր հակաքաղցկեղային ազդեցություն։ Փորձե՛ք ավելի հաճախ օգտագործել ծովային ջրիմուռներ և յոդով հարուստ մթերքներ։
2. Սոյա
Սոյա պարունակող մթերքները հարուստ են հենիստեինով, որը բուսական հորմոն է։ Իսկ սոյա պարունակող միսն ու կաթը պարունակում են հենիստեինի ցածր քանակություն, այդ պատճառով հարկավոր է խուսափել նման մթերքներից։
3. Սոխ և սխտոր
Սխտորն ու սոխը հակաքաղցկեղային լավագույն միջոցներից են, որոնք պարունակում են ծծմբային բաղադրիչներ և ֆլավոնոիդներ, որոնք իրենց հերթին դանդաղեցնում են ուռուցքների աճն ու բարձրացնում իմունիտետը։
4. Նուռ
Նռան ծառի պտուղները շատ օգտակար են կնոջ օրգանիզմի համար։ Հետազոտություններն ապացուցել են, որ նռան հյութը, որը հարուստ է հակաօքսիդանտներով, կանխում է կրծքագեղձի քաղցկեղային բջիջների աճը։
Նուռը պարունակում է նյութեր, որոնք կասեցնում են էքստրոգեն հորմոնի սինթեզը։ Էքստրոգենի ավելցուկը նպաստում է ուռուցքային բջիջների զարգացմանը։ Նռան հատիկները կարելի է ավելացնել աղցանների մեջ, ինչպես նաև օգտագործել նռան համեղ հյութը։
5. Քրքում
Քրքումը դեղին համեմունք է, որը շատ օգտակար է օրգանիզմի համար, այն ունի հակասեպտիկ և հակաբորբոքային հատկություններ։ Քրքումը կանխում է քաղցկեղային բջիջների աճը։
6. Կաթ և կաթնամթերք
Կաթն ու կաթնամթերքը D վիտամինի և կալցիումի հարուստ աղբյուր են։ Իսկ ամեն օր, մոտ 12 րոպե արևի տակ անցկացնելով, դուք 50 տոկոսով կնվազեցնեք կրծքագեղձի քաղցկեղի զարգացումը։
Սիրելի կանայք, հիշե՛ք այս 6 բնական, բուժիչ մթերքները, որոնց միջոցով հնարավոր է կանխարգելել կրծքագեղձի քաղցկեղը։
Առողջ եղեք –0–