52–ամյա հայաստանցին Skype–ով «օրենքով գողեր» է նշանակել

ԵՐԵՎԱՆ, 2 հունիսի./Նովոստի–Արմենիա/. Հայաստանի 52–ամյա բնակիչն իր քաղաքամերձ տան նկուղը վերածել է բանտախուցի, իսկ նրա հարազատները «նստածների» դեր են խաղացել։

Ինչպես հաղորդում է vesti.uz–ն, Telegram–ում նա ներկայացել է որպես քրեական հեղինակություն, ով գտնվում է անազատության մեջ։

Նա 100 դոլարով մարդուն հայտարարել է «ճիշտ տղա», 500 դոլարով` «стремяга» (կարևոր մարդ), 200–700 դոլարով կարողացել է մարդուն անվանել «տականք» կամ «առնետ» և երկու անգամ 5000 եվրոյով «դոբրո» է տվել «օրենքով գող» թագադրելու համար։

Ինչպես պարզել են «Криминал-СНГ»–ի լրագրողները, խաբեբայի ծառայություններից առավել հաճախ օգտվել են ռուսաստանցի դեռահասները, տաքսու վարորդները, Կուբանի, Ղրիմի և Հյուսիսային Կովկասի բնակիչները։–0–