ԵՐԵՎԱՆ. 9 հոկտեմբերի. /Նովոստի Արմենիա/. «Զբոսաշրջության նրբությունները» («Тонкости туризма») պարբերականը նշել է 5 ծանրակշիռ պատճառ, թե ինչու է գեղեցիկ կանանց Հայաստան այցելելը կտրականապես արգելված։
«Չէ, ոչ այն պատճառով, որ նրանց կառևանգեն և կտանեն լեռներ։ Այստեղ երկու սեռի զբոսաշրջիկների նկատմամբ վերաբերմունքը խիստ հարգալից է։ Արևելյան ավանդույթների համաձայն, նեղացնել հյուրին նշանակում է դժբախտություն բերել սեփական անձի վրա։ Այդ պատճառով ճամփորդներին «գլխի վրա են պահում»։ Սակայն գեղեցիկ աղջիկներին ավելի լավ է, այնուամենայնիվ, հրաժարվել ուղևորությունից»,– գրում է հոդվածի հեղինակը։
Загружается новость ... "Лево"
Եվ ահա ինչու.
1. Աստվածային սնունդը վտանգավոր է կազմվածքի համար։ Ասել, որ այստեղ համեղ և առատ են կերակրում, նշանակում է` ոչինչ չասել։ Միայն նախաճաշին 8 կերակրատեսակ են առաջարկում։ Իսկ հետո ըստ ցանկի` բուրումնավետ խաշ, շատ համեղ խորոված, մրգային թթու լավաշ, 30 տեսակի մուրաբա։ Մի խոսքով` բարակ իրանի մասին որոշ ժամանակ պետք է մոռանալ։
2. Նռան`աշխարհի ամենահամեղ գինին և կոնյակը։ Եթե նույնիսկ երկաթե կամք ունեք, դրանից հրաժարվել է խիստ դժվար է։ Նույնիսկ եթե առհասարակ ոգելից խմիչքներ չեք օգտագործում (մաշկի թարմությունը պահպանելու համար)։ Միևնույն է` կփորձեք գոնե մի ումպ, կփորձեք.... ու կանգ չեք առնի։
3. Չափազանց հագեցած ծրագիր։ Տեղի տղամարդիկ տաքարյուն են, այնպես որ գիշերային Երևանով կամ լեռնային կիրճերով զբոսնելու անսպասելի առաջարկներ կլինեն ամենուրեք և ամենքից` հյուրանոցի զբոսավարից, դահուկային բազայի աշխատողներից, պատահական անծանոթներից։ Եվ պարտադիր չէ, որ այդ ամենը հետին մտքեր ունենա։ Հայերը պաշտում են իրենց երկիրը և ցանկանում են, որ դրա գեղեցկությունը ձեզ էլ գերի։
4. Հնարավոր հոգնածություն հաճոյախոսություններից։ «Անեզր աչքեր, որոնցում կարելի է սուզվել»` սա ընդամենը մանկան թոթովանք է կնամեծար հայ տղամարդկանց բերանից դուրս եկող խոսքերի համեմատ։
5. Ոչ շատ թանկ քաղցրեղենի հսկայական ընտրություն։ Դրանք էլ ոչ մի տեղ գնել հնարավոր չէ։ Ցավոք, Արարատի նախալեռներում ստիպված կլինեք հրաժեշտ տալ ոչ միայն կազմվածքին, այլ նաև փողերին, որոնք անպայման կծախսվեն «սուջուխի» վրա և ոչ միայն։ -0-
