5 մթերք 45 տարեկանից հետո երիտասարդությունը պահպանելու համար

ԵՐԵՎԱՆ, 28 հուլիսի./Նովոստի–Արմենիա/. Գաղտնիք չէ, որ 40 տարեկանից հետո մարդու օրգանիզմում տեղի են ունենում փոփոխություններ, իսկ արդեն 45–ին մոտ դանդաղում է նյութափոխանակությունն ու թուլանում իմունային համակարգը։ Այս ամենը հանգեցնում է հավելյալ ճարպաշերտի ավելացմանը, գրում է versiya.info–ն։

Դա թույլ չտալու համար դիետոլոգներն առանձնացրել են 5 մթերք` վիտամինների և հանքանյութերի բարձր պարունակությամբ, որոնք անհրաժեշտ են առողջության և երիտասարդության պահպանման համար։

Ծովաձուկ

Ծովաձուկը պարունակում է մեծ քանակի վիտամին D ու օմեգա 3–ի ճարպաթթուներ, որոնք անհրաժեշտ են սրտանոթային համակարգի, կանանց և տղամարդկանց վերարտադրողական ֆունկցիաների նորմալ աշխատանքի համար։

Ձավարեղեն

Հնդկաձավարը, բրինձը, կորեկաձավարը, վարսակափաթիլն անհրաժեշտ են օրգանիզմին հատկապես 45 տարեկանից հետո։ Նրանք օգտակար են, քանի որ պարունակում են մեծ քանակի վիտամին В և բջջանյութ, որոնք անհրաժեշտ են շաքարն ու խոլեստերինը վերահսկելու համար։ Բացի այդ, ամբողջահատիկը սննդարար է, ինչի արդյունքում դուք չեք զգա քաղցի զգացում ավելի քան 30 ժամ, ինչը շատ կարևոր է կազմվածքի համար։

Հապալաս

С և К խմբի վիտամինների մեծ քանակի շնորհիվ հապալասը լավացնում է սրտամկանի և ուղեղի աշխատանքը, ինչպես նաև թույլ է տալիս պահպանել տեսողությունը։ Բջջանյութի ու հակաօքսիդանտների շնորհիվ արագանում է նյութափոխանակությունն ու սկսում է գործել ճարպն այրելու բնական պրոցեսը։

Բրոկկոլի

Բրոկկոլին պարունակում է А, В, С, Е վիտամիններ, ինչպես նաև սննդաթելեր և կալցիում, ինչն ուղղված է իմունային համակարգի ամրապնդմանն ու մուտացիոն պրոցես անցած ուռուցքային բջջիջների դեմ պայքարին։

Լոլիկ

Լոլիկը բջջանյութի և А, С, Е խմբի վիտամինների հիանալի աղբյուր է։ Լոլիկի շնորհիվ կարելի է վերահսկել շաքարի մակարդակն ու դիմակայել թրոմբների զարգացմանը անոթների պատերին։–0–