2017 թ.–ի ամենահուսալի մեքենաների վարկանիշը

ԵՐԵՎԱՆ, 23 հոկտեմբերի. /Նովոստի–Արմենիա/. Այս տարվա ամենահուսալի տրանսպորտային միջոցների վարկանիշի առաջատարը Toyota–ն է` Toyota GT86 կուպեն։

Ինչպես հաղորդում է belnovosti.by–ը, շուկայի վերլուծությամբ զբաղվել է Consumer Reports ամերիկյան ընկերությունը` ուսումնասիրելով 640 հազար ավտոմեքենաների մասին ավելի քան 400 հազար մեկնաբանություն։


Առաջատարից հետ չեն մնացել Lexus GS–ն ու Kia Niro–ն, որոնք զբաղեցրել են համապատասխանաբար 2–րդ և 3–րդ հորիզոնականները։

Վարկանիշի տասնյակում են ներառվել նաև Audi Q3–ը, BMW 2 Series–ը, Subaru BRZ–ը, Infiniti Q70–ը, Honda CR-V–ն, Buick Encore–ն ու Hyundai Elantra–ն։

Առավել հուսալի ավտոմեքենաների ցանկում ներառվել է 27 մոդել։–0–