137 ադամանդ և կես կգ ոսկի. Caviar–ը ներկայացրել է iPhone 11 Pro Discovery Solarius–ը (ՖՈՏՈ, ՎԻԴԵՈ)

ԵՐԵՎԱՆ, 8 նոյեմբերի./Նովոստի–Արմենիա/. Ռուս-իտալական Caviar ապրանքանիշը, որը վերափոխում է iPhone-ները՝ ստեղծելով բացառիկ և շքեղ նմուշներ, թողարկել է իր ամենահաջողված մոդելներից մեկը, տեղեկացնում է Luxury Launches-ը:

iPhone 11 Pro Discovery Solarius-ի դիզայնը, ինչպես ենթադրում է անվանումը, խորհրդանշում է «հավերժական կյանքը, որն Արեգակը տալիս է մեր մոլորակին»: 

Caviar-ի iPhone 11 Pro մոդելը պատրաստված է կես կիլոգրամ ոսկուց, պատված է 137 ադամանդով։ Հեռախոսի հետնամասում տեղադրված է շքեղ մեխանիկական ժամացույց, որի կենտրոնում գտնվում է դեղին ադամանդ, այն խորհրդանշում է Արեգակնային համակարգի կենտրոնը: 

Caviar ապրանքանիշի պաշտոնական էջում այս նմուշի արժեքը սկսվում է 70 340 դոլարից՝ 64 GB-ի համար մինչև 71 520 դոլար՝ 512 GB-ի համար:–0–

Տեսանյութը` Caviar iPhone

Լուսանկարները` screenshot տեսանյութից