ԵՐԵՎԱՆ, 22 դեկտեմբերի./Նովոստի–Արմենիա/. Վերջին 7 օրերին հանրապետությունում հաստատվել էր անոմալ ցածր ֆոն:
Օդի միջին ջերմաստիճանը ցածր էր 10-15 աստիճանով:
Եղանակային ռեկորդ Հայաստանում. նախորդ գիշեր հանրապետության տարածքում գրանցվել է -33 աստիճան
Ամենացածր ջերմաստիճանը Շիրակի Պաղակն բնակավայրի հատվածում հասավ -35–ի, Աշոցքում՝ -33–ի, Արարատյան դաշտում և Երևանի ցածրադիր գոտում՝ -22 աստիճանի:
Ինչպես Facebook–յան իր էջում հայտնում է ՀՀ ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը, այսօր և վաղը առանց տեղումների եղանակը և ցածր ջերմային ֆոնը կպահպանվի:
Սակայն դեկտեմբերի 24-ից Միջերկրական ծովի շրջաններում ձևավորվում է ցիկլոն, որը տեղաշարժվում է դեպի Հայաստան: Դեկտեմբերի 24-ի ցերեկը առավելապես Շիրակում, Կոտայքում, Արագածոտնում, Արարատում և Արմավիրում, Երևանում և Վայոց Ձորում կտեղա թույլ ձյուն:
Տաք օդի հոսանքը ուղղություն վերցրեց դեպի Հայաստան. օդերևութաբան
Դեկտեմբերի 25-ին կեսօրից հետո և 26-ին հանրապետության ողջ տարածքը կգտնվի այդ ցիկլոնի ազդեցության գոտում, ինչի արդյունքում բոլոր մարզերում սպասվում է ձյուն, առանձին հատվածներում՝ բուք, ցածր հորիզոնական տեսանելիություն:
Օդի ջերմաստճանը մինչև դեկտեմբերի 24-ը էապես չի փոխվի, իսկ դեկտեմբերի 25-26-ին հարավային տաք օդային հոսանքների բուռն ներհոսքը և ամպամածության խիտ շերտը կնպաստեն, որ օդի ջերմաստիճանը գիշերները հանրապետության բոլոր մարզերում բարձրանա 13-15, ցերեկը` 6-8 աստիճանով:
Արդյունքում, արդեն դեկտեմբերի 26-ին օդի ջերմաստիճանը կլինի կլիմայական նորմայի սահմաններում:–0–