Ստաժյորը 10մլն դոլարի վնաս է պատճառել Google–ին

ԵՐԵՎԱՆ, 8 դեկտեմբերի. /Նովոստի–Արմենիա/. Սխալ կոճակ սեղմած ստաժյորը Google–ին պատճառել է մոտ 10մլն դոլարի վնաս։ Ստաժյորի սխալը չէր նկատվել մոտ 45 րոպե։

Ինչպես հաղորդում է telecom.arka.am–ը, հղումա նելով iguides.ru–ին, ստաժյորը թրեյնինգ է անցել Google AdX գովազդային ցանցի գծով և պատահաբար սեղմել է գովազդային հայտարարությունների գնման կոճակը։ Դրա պատճառով ԱՄՆ–ի և Ավստրալիայի բնակիչները 45 րոպե շարունակ տարբեր կայքերում տեսել են գովազդային բաներներ` դեղին ուղղանկյունների տեսքով`առանց տեքստի։ Իրավիճակը վատացել է նրանով, որ ստաժյորը գնել է հայտարարություններ մեկ քլիքի համար 25 դոլար արժեքով, չնայած նման բաներների սովորական գինը տասն անգամ էժան է։

Երբ Google–ի աշխատակիցները նկատել են սխալը, ստիպված են եղել փոխհատուցել այն ընկերության վնասները, ումից գնվել է գովազդը։ Սակայն անհայտ է, թե ինչ պատասխանատվություն է կրել ստաժյորը, սակայն դժվար թե Google–ը նրանից գանձի պատճառած վնասի գումարը։ Ամենայն հավանականությամբ, նրան պարզապես դուրս են հանել և խնդրել են մոռանալ Google–ում աշխատանքի տեղավորվելու մասին։–0–