ԵՐԵՎԱՆ, 24 հունիսի. /Նովոստի-Արմենիա/. «Ռոսկոնտրոլ» սպառողների միության համառուսական փորձագիտական կենտրոնն ուսումնասիրել է տավարի սարդելկաները:
Ուսումնասիրվել է 7 ապրանքանիշների նմուշներ` «ВкусВилл», «Рублевский», «Великолукский мясокомбинат», «Царицыно», «Дым Дымыч/Сохраняя традиции», «Мясницкий ряд» և «Снежана»-ն, գրում է lenta.ru-ն:
Փորձագետներն ուսումնասիրել են այն նմուշները, որոնք գնվել են սովորական խանութներից, այլ ոչ թե վերցվել են պահեստներից: Նմուշներն ուսումնասիրվել են ավելի քան 50 պարամետրով, որոնց թվում է բաղադրությունը, արտադրանքի անվտանգությունը, կոնսերվանտների առկայությունը և հորմոնների մակարդակը:
Загружается новость ... "Лево"
Ոչ բոլոր արտադրողներն են իրենց արտադրանքը պատրաստում`ըստ ԳՕՍՏ–ի: Այդպես անում են միայն «Великолукский мясокомбинат», «Мясницкий ряд» և «Снежана» ապրանքանիշերը: Մնացածն օգտագործում են կազմակերպության տեխնիկական պայմանները և ստանդարտը, որոնք կարող են մշակվել հենց ընկերության կողմից:
Որոշ դեպքերում փաթեթավորման վրա նշվում է, որ սարդելկաները պատրաստված են տավարի մսից, ինչը կարող է նշանակել, որ արտադրության ժամանակ կարող է օգտագործված լինել նաև այլ տեսակի միս: Նմանատիպ պրակտիկա կիրառում են, մասնավորապես, «Царицыно» և «Дым Дымыч» ապրանքանիշերը:
Բոլոր նմուշներում, բացի «ВкусВилла»-ից, համը, հոտը և կոնսիստենցիան չէին համապատասխանում պահանջներին: «Царицыно»–ի և «Мясницкий ряд»-ի սարդելկաները չեն համապատասխանում անհրաժեշտ չափսերին, որոնք պետք է խստորեն վերահսկվեն:
«ВкусВилл», «Рублевский», «Великолукский мясокомбинат», «Дым Дымыч / Сохраняя традиции», «Снежана» և «Мясницкий ряд» ապրանքանիշերի նմուշներում հայտնաբերվել է խոզի ԴՆԹ, «Царицыно» և «Дым Дымыч»-ի փաթեթավորման վրա նշված է թռչնի ԴՆԹ: Այլ նմուշներում, բացի «ВкусВилла» и «Снежана» ապրանքանիշերից, հայտնաբերվել են բաղադրության այլ խախտումներ:
«Великолукский мясокомбинат», «ВкусВилл» և «Рублевский» ապրանքանիշերի սարդելկաներում հայտնաբերվել է փաթեթավորման վրա նշված ճարպի և սպիտակուցի պարունակության զանգվածային մասի զգալի անհամապատասխանություն: Սակայն բոլոր փորձարկված սարդելկաները վտանգավոր չեն առողջության համար:
Փորձաքննության արդյունքում, 6 նմուշներ ներառվել են «Ռոսկոնտրոլի» սև ցուցակում, իսկ «ВкусВилл» ապրանքանիշը ներառվել է դիտողություն ստացած ապրանքների ցանկում:-0-
