ԵՐԵՎԱՆ, 22 մայիսի. /Նովոստի–Արմենիա/. Պլաստիկ վիրաբույժ, բժշկական գիտությունների թեկնածո Լև Սոցկին «հմուտ աչքով» որոշել է, թե աստղերից որ մեկն, ինչ բժշկական պրոցեդուրաների է ենթարկվել, գրում է
«Կոմսոմոլսկայա պրավդան»։
Անջելինա Ջոլի
Անջելինան, թերևս, պլաստիկ վիրահատությունների մասին բավականին մեծ թվով ասեկոսեների և ենթադրությունների առիթ է տվել։ Սակայն դրանցից շատերն անհիմն են։ Ստույգ կարելի է միայն ասել, որ դերասանուհին ենթարկվել է ռինոպլաստիկայի, որի շնորհիվ նրա կճատ քիթը դարձել է նուրբ և ուղիղ։
Հայտնի է նաև երկկողմանի, կանխարգելիչ մաստեկտոմիայի մասին, որի ժամանակ հեռացվեցին Ջոլիի երկու կրծքագեղձերը քաղցկեղի զարգացման բարձր ռիսկի պատճառով, իսկ հետագայում կատարվեց նաև կրծքագեղձերի վերականգնման վիրահատություն։
Խոսակցություններ են շրջանառվում նաև Ջոլիի այտոսկրերի և շրթունքների վիրահատության մասին։ Սակայն այս դեպքում, ամենայն հավանականությամբ, կատարվել է միայն կոնտուրային պլաստիկա, ինչը թույլ է տալիս հասնել հիանալի արդյունքների` նվազագույն տրավմատիզմի դեպքում։
Մեգան Ֆոքս
Կարելի է վստահաբար նշել, որ Մեգան Ֆոքսը կատարել է ռինոպլաստիկա, ընդ որում վիրաբուժական միջամտությունը կատարվել է բավականին նուրբ. շտկվել է միայն քթի կորությունը։
Նաև երևում է, որ ժամանակին Մեգանը կատարել է նաև կրծքի մեծացման վիրահատություն, սակայն վիրահատության արդյունքներն այդքան էլ տեսանելի չեն։ Եվ, իհարկե, Մեգանի շուրթերն ու այտոսկրերը, որոնց չափը մեծացվել է ֆիլերների միջոցով։
Մադոննա
Մադոննային վերագրում են ամենաքիչը face lifting: Դրա մասին են վկայում ձգված դեմքն ու ստորին ծնոտի կատարյալ ուրվագիծը։ Սակայն պետք է նաև հաշվի առնել, որ երգչուհին գրեթե չունի ենթամաշկային ճարպի շերտ, իսկ արևմտյան եվրոպացիներին բնորոշ դեմքի ձևը (ստորին ծնոտի արտահայտված անկյուններն ու դունչը), ինքնին, չի նպաստում մաշկի կախվելուն։
Երգչուհին միանշանակ օգտագործում է բոտոքս, այդ մասին է վկայում հարթ, գրեթե առանց կնճիռների դեմքը: Բացի այդ, նա օգտագործում է ֆիլերներ, որոնք ընդգխում են այտոսկրերը և շուրթերին լրացուցիչ ծավալ հաղորդում:
Դեմի Մուր
Դերասանուհու ամենառաջին վիրահատությունը ռինոպլաստիկան է: Բացի այդ, նա մեծացրել է կուրծքը, ապա փոխել իմպլանտները։
Նրան վերագրում են նաև բազմաթիվ լիպոսակցիաներ, սակայն ստույգ խոսելն այդ մասին բարդ է: Եվ, իհարկե, դերասանուհին ակտիվ օգտվում է դիմահարդարների ծառայություններից, կատարում բոտոքսի ներարկումներ։
Քիմ Քարդաշյան
Քիմին վերագրում են երկու վիրահատություն` կրծքի և նստատեղի մեծացում: Սակայն ոչ առաջինի, ոչ երկրորդի մասին վստահորեն խոսել հնարավոր չէ: Քիմի կուրծքը միշտ էլ տարբերվել է իր մեծությամբ։ Մեծ նստատեղն էլ իր հերթին կարելի է բացատրել ժառանգականությամբ: Շատ է աչքի ընկնում նստատեղի ընդգծվածությունը, ինչին կարելի է հասնել գրագետ իրականացրած լիպոսակցիայի միջոցով: -0-