Կտրուկ աճել է Հայաստանից Ռուսաստան մեկնած միգրանտների թիվը

ԵՐԵՎԱՆ, 23 հուլիսի. /Նովոստի-Արմենիա/. Ռուսաստանի բնակչության միգրացիոն աճը 2019 թ.-ի հունվար-ապրիլին կտրուկ աճել է` գերազանցելով վերջին տարիների ցուցանիշը: Այդ մասին հայտնում է Economy Times-ը:

Գայդարի անվան տնտեսական քաղաքականության ինստիտուտի անցկացված հետազոտության մեջ նշվում է, որ 2019 թ.-ի առաջին ամիսների (հունվար-ապրիլ) ընթացքում Ռուսաստանի բնակչության միգրացիոն աճը կազմել է 98 հազար մարդ: 2018 թ.-ի նույն ժամանակահատվածում այդ ցուցանիշը կազմել է 57,1 հազար մարդ:

Ամենից շատն ավելացել է միգրանտների թիվը Ղազախստանից (16,1 հազար), Ուկրաինայից (16,1 հազար), Տաջիկստանից (14,2 հազար) և Հայաստանից (12,8 հազար): 2018 թ.-ին այդ ցուցանիշը կազմել է 4,9 հազար մարդ: