ԵՐԵՎԱՆ, 30 դեկտեմբերի. /Նովոստի–Արմոնիա/. Թոմաս Ջեֆերսոնի համալսարանի գիտնականներն անցկացրել են հետազոտություններ, որոնք ցույց են տվել, որ սառը ձևով պատրաստված սուրճն ունի հակաօքսիդանտային հատկություններ, գրում է beautyhack.ru–ն։
Փորձարկումների ընթացքում գիտնականները մի քանի ձևով եփել են տարբեր տեսակի ու բովվածության տարբեր աստիճանի սուրճի հատիկներ, այնուհետև ուսումնասիրել են ըմպելիքների հատկություններն ու բաղադրությունը։ Դասական ձևով պատրաստված սուրճը պարունակում է 1100մգ կոֆեին, որում օգտակար նյութերի խտությունը նվազագույն է։
Загружается новость ... "Лево"
Սառը ձևով պատրաստումը, որի ժամանակ ըմպելիքը թրմվում է 24 ժամվա ընթացքում, գրանցել է լավագույն արդյունքները։ Նման ձևով պատրաստված սուրճի մեջ մնում է 1200մգ կոֆեին, քլորգենային թթուներ և պոլիֆենոլային միացություններ, որոնք ունեն վառ արտահայտված հակաօքսիդանտային հատկություններ։
Աղացվածքի աստիճանը որևէ կերպ չի ազդել արդյունքների վրա `ի տարբերություն բովվածության։ Ամենաօպտիմալը միջին աստիճանի բովվածություն է, մշակման նման դեպքում հատիկներում պահպանվում են ավելի շատ օգտակար նյութեր։
Էդինբուրգի համալսարանի գիտնականներն ուսումնասիրել և ստուգել են 201 գիտական աշխատությունների տվյալներ, որոնց ուսումնասիրության առարկան սուրճի հատիկներն էին։ Արդյունքում, գիտնականները հայտարարել են, որ օրական մինչև 3 բաժակ սուրճ խմելու սովորությունը նվազեցնում է սիրտ–անոթային համակարգի հետ կապված խնդիրների առաջացման, շաքարային դիաբետի զարգացման, լյարդի հետ կապված հիվանդությունների, թուլամտության առաջացման ռիսկերը։–0–
