«Իմ քայլը դեպի առողջ կյանք». Հայաստանի մարզերում փորձնական ծրագիրը կօգնի հիվանդությունների դեմ պայքարում

ԵՐԵՎԱՆ, 20 մարտի. /Նովոստի-Արմենիա/. Փորձնական ծրագրի շրջանակում Հայաստանի մարզերում բացահայտվել են ընտանեկան բժիշկի առավելությունները` հիվանդություննների կանխարգելման առումով: Այդ մասին չորեքշաբթի լրագրողների հետ զրույցում ասաց ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Դավիթ Պետրոսյանը:

Հիվանդությունների վերահսկման և կանխարգելման ազգային ինստիտուտը փետրվարի 22-ից մարտի 8-ն Արարատի մարզում, մարտի 1-ից 8-ը` Արմավիրի մարզում «Իմ քայլը դեպի առողջ կյանք» փորձնական ծրագրի շրջանակում անցկացրել է առողջության դիտարկում 3762 քաղաքացինների շրջանում:

«Ծրագրի շրջանակում, որին մասնակցել են երկու մարզերի ընտանեկան բժշկները, քաղաքացիների մոտ հայտնաբերվել է լուրջ հիվանդությունների վտանգ, ինչպես նաև զարգացման տարբեր մակարդակներում գտնվող հիվանդություններ: Ծրագրի առանձնաահատկությունն այն է, որ բժիշկներն այցելում են տներ և ստուգում են ընտանիքի բոլոր անդամներին: Ծրագրի առաջին ամսվա ստացած արդյունքները ապացուցում են, որ ընտանեկան բժիշկի ինստիտուտը մի շարք առավելություններ ունի ռիսկերի գնահատման և բազմաթիվ հիվանությունների կանխարգելման համար», - ասաց Պետրոսյանը:

Ըստ փորձագետի, 3762 զննումների արդյունքներով, 963-ի մոտ հայտնաբերվել են քրոնիկ անոթային հիվանդություններ (որոշների մոտ խորացած վիճակում), 954 մոտ` հիպերտոնիա, 319-ի մոտ` գլյուկոզայի բարձր մակարդակ, որոշ դեպքերում անգամ շաքարախտ:

Ընդ որում, հիվադներից շատերը համարում էին իրենց առողջ և ոչ մի բողոք չունեին, սակայն նրանցից որոշների մոտ հատնաբերվել են հիվանդությունների առկայության բոլոր երեք ցուցանիշները»,- ասաց նա:

Ըստ Պետրոսյանի, ընտանեկան թերապևտի առանձնահատկոթյունն այն է, որ բազմաթիվ քաղաքացիններ հրաժարվում են այցելել բժշկական հաստատությոններ, պատճառաբանելով դա կամ ֆինանսների պակասությամբ, կամ բժշկներից վախի, կամ հիվանդության հայտնաբերմամբ:

«Ընտանեկան բժիշկները, մասնավորապես գյուղական համայնքներում, ծանոթ են բոլորի հետ: Նրանց ավելի հեշտ է կապ պահել բնակչության հետ և կատարել անձնական վերահսկողություն` պարբերաբար այցելելով ընտանիքներին: Այդ դեպքում գյուղական հաայնքները առավելություն ունեն քաղաքային համայնքների համեմատ, քանի որ գյուղերում կոմպակտ ապրելակերպը հնարավոթյուն է ընձեռում ավելի արդյունավետ իրականացնել նման դիտարկումը, քան մեծ բնակչություն ունեցող քաղաքներում», - բացատրեց նա:

Փորձագետը քայլեր է ներկայացրել ընտանեկան բժիշկի ինստիտուտի զարգացման համար նաև խոշոր բնակավայրերում, հերթապահ բժիշկների լրացուցիչ ֆինանսավորմամբ կամ նոր դրույքների ստեղծմամբ:

Ինչպես նշեց Պետրոսյանը, ծրագիրն աստիճանաբար կգործարկվի Հայաստանի այլ մարզերում, ինչից հետո ծրագրի մեջ կներառվի նաև Երևանը:-0-