ԵՐԵՎԱՆ, 16 սեպտեմբերի. /Նովոստի–Արմենիա/. Բրիտանացի և թաիլանդացի գիտնականները բացահայտել են Երկրագնդի բնակչության միջին IQ–ի նվազման պատճառը։
Հետազոտությունը հրապարակվել է Intelligence ամսագրում, հաղորդում է lenta.ru–ն` հղում անելով New Scientist–ին։
Գիտնականների կարծիքով` միջին IQ–ի նվազման պատճառը ժողովրդագրական գործոններն են, մասնավորապես` բնակչության ծերացումն ու ծնելիության նվազումը զարգացած երկրներում։
Загружается новость ... "Лево"
Հեղինակները նման եզրահանգման են եկել` վերլուծելով IQ–ի որոշման ավելի քան 1,8 հազար թեստերի արդյունքները։ Այդ թեստերը, որպես կանոն, գնահատում են աշխատանքային կամ կարճաժամկետ հիշողությունը։ Աշխատանքային հիշողությունը, որը կապված է որոշումների ընդունման և տեղեկատվության վերլուծության հետ, սովորաբար վատանում է 60 տարեկանից հետո, իսկ երկրորդը, որը պատասխանատու է կարճաժամկետ հիշողության համար, տարիքի հետ գրեթե չի փոխվում։
Նախորդ դարի ընթաքում գիտնականները նկատել են, որ Երկրագնդի բնակչության միջին IQ–ն աստիճանաբար աճում է։ Այս միտումը փոխվել է 2004 թ.–ին, երբ IQ–ի աճը սկսել է դանդաղել ։–0–
