Հայերը ներառվել են ամենասեքսուալ ազգերի թոփ 10-ում

ԵՐԵՎԱՆ, 28 հունիսի. /Նովոստի-Արմենիա/. Հայերն ուկրաինացիների, իտալացիների և բրազիլիացիների հետ միասին ներառվել են ամենասեքսուալ ազգերի թոփ 10-ակում, հայտնում է Big7Travel-ը:

Պարբերականը հրապարակել է աշխարհի ամենասեքսուալ ազգերի թոփ 50-ը, որտեղ հայերը զբաղեցրել են 8-րդ հորիզոնականը:

«Քարդաշյան ընտանիքի շնորհիվ Հայաստանն իր ուրույն տեղն է գտել «աշխարհի սեքսուալ քարտեզում», - նշում են պարբերականի հեղինակները:

Վարկանիշի առաջատար դիրքերում են ուկրաինացիները, երկրորդ հորիզոնականում` դանիացիները, հետո ֆիլիպինցիները: Հաջորդն են վարկանիշում բրազիլիացիները (4-րդ հորիզոնական), ավստրալացիները` 5-րդ հորիզոնական, hարավաֆրիկացիները` 6-րդ հորիզոնական և իտալացիները` 7-րդ հորիզոնական:

Ամենագրավիչ ազգերի տասնյակում են նաև անգլիացիները (9-րդ հորիզոնական) և կանադացիները (10-րդ հորիզոնական):-0-