Հավկիթները ևս մեկ օգտակար հատկություն ունեն

ԵՐԵՎԱՆ, 15 հունիսի. /Նովոստի-Արմենիա/. Ամերիկացի բժիշկները հայտնաբերել են հավկիթների նոր օգտակար հատկությունը` դրանց օգտագործումը նպաստում է փոքր տարիքի երեխաների աճին և նվազեցնում աճի դանդաղումը:

Համապատասխան հետազոտությունը հրապարակվել է Pediatrics ամսագրում, դրա մասին հակիրճ պատմում է Սենթ Լուիսում Վաշինգտոնի համալսարանը, գրում է lenta.ru-ն:

Գիտնականների գնահատականներով, հավկիթների օգտագործման դեպքում օրգանիզմի զարգացումը միջինը բարելավվում է 1.47 անգամ, այն դեպքերի համեմատ, երբ մթերքը չի օգտագործվել սննդի պատրաստման ժամանակ: 

Նման եզրակացության են եկել հեղինակները` ուսումնասիրելով 6-9 տարեկան էկվադորցի երեխաների, ովքեր վեց ամսվա ընթացքում օրական մեկ ձու են կերել: Նրանց սննդակարգում նվազեցվել են նաև քաղցրացված ըմպելիքները: Ստացված տվյալները համեմատել են վերահսկվող խմբի հետ, որտեղ հավկիթի օգտագործումն ավելի քիչ էր, իսկ քաղցր ըմպելիքներինը` ավելի շատ:
Մասնագետները նշում են, որ հավկիթները սննդարար նյութերի մատչելի և հասանելի աղբյուր են, որոնք հիմնականում օգտակար են աճող օրգանիզմին: -0-