Հանրապետության տարածքում ակտիվացել են օձերը

ԵՐԵՎԱՆ, 2 հունիսի. /Նովոստի-Արմենիա/. Հունիսի 1-2-ն ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր տարածքներում նկատված օձերի վերաբերյալ:

Մասնավորապես՝ Տավուշի մարզի Բերդ, Վայոց ձորի մարզի Եղեգնաձոր, Կոտայքի մարզի Եղվարդ քաղաքներում և Քարաշամբ գյուղում:

Ինչպես հայտնում է ԱԻՆ մամուլի ծառայությունը, դեպքի վայր ժամանած փրկարարները բռնել են 2 սահնօձ, 1 իժ, 1 գյուրզա տեսակի օձ և տեղափոխել անվտանգ տարածք:-0-