ԵՐԵՎԱՆ, 4 օգոստոսի. /Նովոստի–Արմենիա/. ԱՄՆ–ի Ջոնս Հոփքինսի համալսարանի գիտնականները մշակել են դեղամիջոց, որը կարող է դադարեցնել ճաղատացման պրոցեսը, մազերի գունաթափումն ու մաշկի բորբոքումը, գրում է life.ru–ն` հղում անելով EurekAlert!–ին։
Նոր դեղամիջոցի հիմնական նյութը D-PDMP սինթետիկ միացությունն է, որը դադարեցնում է բորբոքային պրոցեսների ակտիվատորների աշխատանքը։
Загружается новость ... "Лево"
Դեղամիջոցն արդեն ստուգվել է գենետիկորեն մոդիֆիկացված մկների վրա։ Գիտափորձի ընթացքում կրծողներին տվել են D-PDMP–ի տարբեր դեղաչափեր` դեղապատիճների կամ լուծույթի տեսքով։ Գիափորձը ցույց է տվել, որ նոր դեղամիջոցն իսկապես արդյունավետ է։ Պարզվել է, որ մարմնի զանգվածի 1 կգ–ի համար դեղամիջոցի 1–10 միլիգրամը 16 շաբաթվա ընթացքում զգալի լավացնում է մաշկի վիճակը` նվազեցնելով ճաղատանալու հավանականությունը։
Վերլուծելով գիտափորձի արդյունքները` գիտնականները եկել են այն եզրահանգման, որ D-PDMP–ին նմանատիպ ազդեցություն կարող է ունենալ նաև մարդու վրա։ Առաջիկայում գիտնականները նախատեսում են ստուգել այդ հիպոթեզը։–0–