Գիտնականներ. սթրեսը երկարացնում է կյանքը

ԵՐԵՎԱՆ, 11 փետրվարի. /Նովոստի–Արմենիա/. Գիտնականները եկել են անհավանական եզրահանգման այն մասին, որ սթրեսը երկարացնում է մարդու կյանքը։

Passion.ru–ի հաղորդմամբ, գիտնականները հերքել են այն հիպոթեզը, որ սթրեսը հանգեցնում է վաղաժամ ծերացման։



Կարծես այլևս չարժե նյարդայնանալ չափազանց շատ նյարդայնանալու պատճառով։ Գիտնականների, այդ թվում մի քանի Նոբելյան դափնեկիրների վերջին հետազոտություններն ապացուցում են, որ սթրեսը կարող է օգնել ծերացման դեմ պայքարում։ Իհարկե խոսքը նյարդային ցնցումների կամ քրոնիկ սթրեսի համախտանիշի մասին չէ, օրգանիզմի վրա դրական են ազդում «սթրեսի ոչ մեծ չափաբաժինները»։

Գիտնականները ենթադրում են, որ սթրեսն օգնում է օրգանիզմին աշխատել արագացված ռեժիմում, ինչն էլ հակազդում է ծերացման գործընթացներին։ Սակայն չափազանց լուրջ էմոցիոնալ ծանրաբեռնվածությունը հակառակ արդյունքն է տալիս։



Գիտնականների կարծիքով, հոգեկան լարված վիճակը հնարավոր է թեթևացնել տարատեսակ մեդիտատիվ մեթոդների միջոցով։ Բացի այդ, գիտնականները նշել են, որ կանայք կրկնակի ավելի շատ են ենթակա էմոցիոնալ ծանրաբեռնվածության, քան տղամարդիկ։–0–