Ֆրանսիական Բորդոյում 46–ամյա տղամարդը շաբաթներ շարունակ բժիշկ է ձևացել

ԵՐԵՎԱՆ, 13 հոկտեմբերի./Նովոստի–Արմենիա/. Ֆրանսիայի Բորդո քաղաքում անգործությունից ձանձրացող տղամարդը մուտք է գործել հիվանդանոց և երկար ժամանակ ներկայացել է որպես բժիշկ։ 

Ինչպես գրում է lenta.ru–ն, հղում անելով The Koz Post–ին, 46–ամյա տղամարդը բժշկի խալաթով և ստեթոսկոպով (որը նա նախօրոք վերցրել է հիվանդանոցում) շրջել է հիվանդանոցի տարբեր բաժանմունքներով։ Նա հեռու է մնացել հիվանդներից, սակայն կանոնավոր կերպով միացել է հիվանդանոցի աշխատակիցներին հանգստի ժամին` իսկական բժիշկների հետ զրուցելու համար։ 

Նրա զրուցակիցների մոտ կասկածներ են առաջացել միայն մի քանի շաբաթ անց, գրոմ է Sud Ouest հրատարակությունը։ Դրանից հետո ինքնակոչ տղամարդուն հանձնել են ոստիկանություն։ Նրան սպառնում է մինչև 1 տարվա ազատազրկում և 15 հազար եվրո տուգանք։

Կալանքից հետո տղամարդը պարզաբանել է, որ միշտ երազել է բժիշկ դառնալ։ Նրա խոսքով, նա որոշել է նման քայլի դիմել, քանի որ ձանձրացել է և ցանկացել է ճանաչված դառնալ։–0–