ԵՐԵՎԱՆ, 31 օգոստոսի. /Նովոստի–Արմենիա/. Ամռան ավարտը կլիմայական բնութագրմամբ համարվում է այն ժամանակը, երբ օդի օրական միջին ջերմաստիճանն իջնում է +15–ից ցածր:
Հանրապետությունում այդ անցումը տեղի է ունենում երեք ամսվա ընթացքում՝ հուլիսի առաջին օրերից (բարձր լեռնային գոտիներում) մինչև հոկտեմբերի երրորդ տասնօրյակը (Արարատյան հովտում, Սյունիքի և Տավուշի ցածրադիր մասերում):
Այնպես որ, տաք շրջաններում սեպտեմբերին դեռևս շարունակվում է եղանակային պայմանների ամառային ռեժիմը, իսկ լեռնային շրջաններում սկսվում է աշունը, գրում է ՀՀ ԱԻՆ–ը։
Սեպտեմբերին օդի միջին ամսական ջերմաստիճանը հանրապետության տարածքի համար +13–ն է: Բացարձակ առավելագույն ջերմաստիճանը Արարատյան դաշտում և ծայր հարավ-արևելքում դեռևս կարող է հասնել +35... +40–ի, նախալեռնային շրջաններում՝ +33... +38–ի, լեռնային շրջաններում՝ +30... +31–ի:
Օդում առաջին ցրտահարությունը մեծ մասամբ դիտվում է լեռնային շրջաններում սեպտեմբերի վերջին, սակայն առանձին տարիների (1997թ.) այն կարող է դիտվել նույնիսկ ամսվա առաջին կեսին:
Երևանում սեպտեմբերը համարվում է տարվա մեջ ամենաբարեհաճ ամիսը՝ առաջին տասնօրյակում օդի օրական միջին ջերմաստիճանը +22... +23 է, երկրորդում՝ +20 և երրորդում՝ +18... +19:
Եվ այսպես....ի՞նչ եղանակ է սպասվում սեպտեմբերին Երևանի և հանրապետության մարզերի բնակիչներին։
Մայրաքաղաք Երևան
Օդի ամսական միջին ջերմաստիճանը սպասվում է +20... +21, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը՝ մինչև +33... +35, երրորդ տասնօրյակում` օդի ջերմաստիճանի նվազում` գիշերը մինչև +8... +10 (դիտված բազմամյա միջին բացարձակ նվազագույնը՝+6... +8, առավելագույնը՝ +34): Ամսական տեղումների քանակը ենթադրվում է նորմային մոտ (նորման` 9 մմ):
Արարատի և Արմավիրի մարզեր, Արագածոտնի նախալեռներ
Օդի ամսական միջին ջերմաստիճանը սպասվում է +20... +22, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը՝ մինչև +33... +35, երրորդ տասնօրյակում` օդի ջերմաստիճանի նվազում` գիշերը մինչև +10... +12 (դիտված բազմամյա միջին բացարձակ նվազագույնը՝ +5.. +.6, առավելագույնը՝ +34... +35): Ամսական տեղումների քանակը ենթադրվում է նորմային մոտ (նորման` 7...10 մմ):
Շիրակի, Կոտայքի և Գեղարքունիքի մարզեր, Արագածոտնի մարզի լեռնային շրջաններ
Օդի ամսական միջին ջերմաստիճանը սպասվում է +11... +13, որը մոտ է բազմամայա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը` մինչև +22... +26, երրորդ տասնօրյակում ` օդի ջերմաստիճանի նվազում, գիշերը մինչև+ 2... +5 (դիտված բազմամյա միջին բացարձակ նվազագույնը՝ -1...+2, առավելագույնը՝ +25... +27): Ամսական տեղումների քանակը ենթադրվում է նորմային մոտ (նորման` 25...35 մմ):
Լոռու մարզ
Օդի ամսական միջին ջերմաստիճանը սպասվում է +12... +15, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը` մինչև +22... +25, երրորդ տասնօրյակում` օդի ջերմաստիճանի նվազում` գիշերը +2... +6 (դիտված բազմամյա միջին բացարձակ նվազագույնը՝ -1...+2, առավելագույնը՝ +26... +28): Ամսական տեղումների քանակը ենթադրվում է նորմային մոտ (նորման` 32...46 մմ):
Տավուշի մարզ
Օդի ամսական միջին ջերմաստիճանը սպասվում է +15... +18, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը` մինչև +26... +30, երրորդ տասնօրյակում ` օդի ջերմաստիճանի նվազում` գիշերը մինչև +5... +9 (դիտված բազմամյա միջին բացարձակ նվազագույնը՝ +3... +7, առավելագույնը՝ +28... +29): Ամսական տեղումների քանակը ենթադրվում է նորմային մետ (նորման` 38...40 մմ):
Վայոց Ձորի մարզ
Օդի ամսական միջին ջերմաստիճանը սպասվում է հովտային շրջաններում +20... +21, լեռնային շրջաններում` +13... +14, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը հովտային շրջաններում մինչև` +33... +35, լեռնային շրջաններում՝ +21... +25, երրորդ տասնօրյակում օդի ջերմաստիճանի նվազում` գիշերը հովտային շրջաններում մինչև` +10... +12, լեռնային շրջաններում` +3... +5 (դիտված բազմամյա միջին բացարձակ նվազագույնը` հովտային շրջաններում՝ +6... +7, լեռնային շրջաններում՝ 0...+1, առավելագույնը` հովտային շրջաններում +34... +35, լեռնային շրջաններում՝ +24... +25): Ամսական տեղումների քանակը ենթադրվում է նորմային մոտլ (նորման` հովտային շրջաններում 10...15 մմ, լեռնային շրջաններում 22...23 մմ):
Սյունիքի մարզ
Օդի ամսական միջին ջերմաստիճանը սպասվում է հովտային շրջաններում +19... +21, լեռնային շրջաններում` +12... +13, որը մոտ է բազմամյա միջին արժեքին: Առանձին օրեր հնարավոր է օդի ջերմաստիճանի բարձրացում ցերեկը հովտային շրջաններում մինչև` +33... +35, լեռնային շրջաններում՝ +23... +26, երրորդ տասնօրյակում ` օդի ջերմաստիճանի նվազում` գիշերը հովտային շրջաններում մինչև`+7... +10, լեռնային շրջաններում` +4... +6 (դիտված բազմամյա միջին բացարձակ նվազագույնը` հովտային շրջաններում՝ +7... +9, լեռնային շրջաններում՝ +4... +5, առավելագույնը` հովտային շրջաններում +32... +34, լեռնային շրջաններում՝ +28... +29): Ամսական տեղումների քանակը ենթադրվում է նորմային մոտլ (նորման` հովտային շրջաններում 13...43 մմ, լեռնային շրջաններում 19...61 մմ):–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում