ԵՐԵՎԱՆ, 8 հունվարի. /Նովոստի–Արմենիա/. Ռուսաստանաբնակ հայազգի դիմահարդար Գոհար Ավետիսյանը, ով այժմ հանգստանում է Տանզանիայում (Արևելյան Աֆրիկա), լուսանկար է հրապարակել Instagram–ի իր էջում ու մոտիվացրել «կլորիկ» կազմվածք ունեցող աղջիկներին։
«Ո՞վ է այսօր ամենագեղեցիկն ու պայծառը լողափում, ինձ հիմա դժվար է ասել, բայց դա ես եմ, չնայած քաշիս, կազմվածքիս ու մի շարք բարդույթներին, որոնք մեզ շնորհում են շրջապատող մարդիկ և հասարակությունը, որում մենք մեծանում և ապրում ենք։ Այո, ես չաղացել եմ, սակայն շատ եմ ուզում նիհարել ու փորձում եմ։ Երբեմն առաջընթաց եմ գրանցում (ես միշտ ձեզ հետ կիսվում եմ լավ լուրերով), երբեմն` ոչ այնքան։ Սակայն որքա՞ն կարելի է այդ մասին գրել, դուք չե՞ք հոգնել։ Ախր ակնհայտ բաներ եք գրում, չէ՞ որ ես էլ եմ դա տեսնում։ Կամ երբ ինչ–որ մեկին վիրավորում եք, ավելի հե՞շտ եք ապրում։ Յուրաքանչյուր մարդ ունի բացասական կողմեր, սակայն չարժե այդ մասին ասել նրան հենց ճակատին։ Այսօր Սուրբ Ծնունդ է, և ես ցանկանում եմ, որպեսզի լույսի արագությամբ աճի այն մարդկանց թիվը, ովքեր սիրում են Աստծուն, իրենց և շրջապատողներին», – գրել է դիմահարդարը Instagram–ի իր էջում` հույս հայտնելով, որ իր հրապարակումներն ու լուսանկարները կմոտիվացնեն 46–ից բարձր չափս ունեցող աղջիկներին և կանանց։
«Ցանկացած վիճակում կարելի է լինել ախորժելի գեղեցկուհի, այդպես չէ՞», – նշել է Ավետիսյանը։–0–