Հավի կրծքամսի վրա հիմնված արդյունավետ դիետա. արդյունքը երաշխավորված է

ԵՐԵՎԱՆ, 28 դեկտեմբերի. /Նովոստի–Արմենիա/. Ներկայացնում ենք արդյունավետ դիետա, որի հիմնական բաղադրիչը հավի կրծքամիսն է, ինչը համարվում է դիետիկ, գրում է fithacker.ru–ն։

Ներկայացնում ենք այս դիետայի երեք տարբերակ, որոնք հավասարապես արդյունավետ են։

Այս դիետայի 50 տոկոսը կազմելու է հավի կրծքամիսը, սննդակարգի մնացած 50 տոկոսը` թարմ բանջարեղենը, կանաչեղենը, միրգն ու ձավարեղենը։ Պետք է ընտրել հատկապես այն մթերքները, որոնք ավելի շատ բջջանյութ են պարունակում։ Ցերեկային սննդակարգի կալորիականությունը պետք է լինի 1200 կիլոկալորիայից ոչ ավել։ Դիետան տևում է 7 օր, որի ընթացքում հնարավոր է ազատվել 3–5կգ քաշից։

Երկրորդ տարբերակ

Հարկավոր է 2 լիտր ջրում խաշել 700 գրամ հավի կրծքամիս և բանջարեղեն (նեխուր, բուլղարական պղպեղ, գազար, սոխ)։ Չի թույլատրվում ավելացնել աղ, կարելի է համեմել համեմունքներով։ Այս ապուրը հարկավոր է ուտել օրվա ընթացքում` 5–6 մասնաբաժնով։ Դիետան տևում է 7 օր։

Երրորդ տարբերակ

Երրորդ տարբերակն իրենից ներկայացնում է մոնոդիետա։ Առաջին երեք օրը հարկավոր է ուտել միայն կես կիլոգրամ կանաչ խնձոր։ Հաջորդ երեք օրը պետք է ուտել միայն խաշած հավի կրծքամիս` օրը մեկ կիլոգրամ։ Եվս երկու օր պետք է խմել միայն անյուղ կեֆիր և օրական երկու լիտր ջուր։ Դիետայի վերջին օրը թույլատրվում է միայն հավի արգանակ` օրը մեկուկես լիտր։–0–