ԵՐԵՎԱՆ, 22 հուլիսի. /Նովոստի-Արմենիա/. Հայաստանի մայրաքաղաք Երևանում սեպտեմբերի 15-ին և 16-ին առաջին անգամ կանցկացվի Comedy Club փառատոնը, հայտնում է
«7дней»-ը:
Comedy Club յուրաքանչյուր փառատոնը պատմություն է դառնում: Ռեզիդենտներն արդեն բարձր հումորի շաբաթ են անցկացրել Յուրմալայում, ելույթ են ունեցել Սոչիում, իսկ այս անգամ գալու են Երևան: Ընդ որում` քաղաքի 2800-ամյակի տոնակատարության օրերին:
Գալիս են բոլորը` Գարիկ Մարտիրոսյանը, Պավել Վոլյան, Գարիկ Խառլամովը, Տիմուր Բատրուդինովը, Դեմիս Կարիբիդիսը, Անդրեյ Սկորոխոդը, Միխայիլ Գալուստյանը, Ալեքսանդր Ռևան, Զուրաբ Մատուան, Անդրեյ Ավերինը, Դմիտրի Լյուսյոկ Սորոկինը, Մարինա Կրավեցը, «Սմիրնով, Իվանով, Սոբոլև» եռյակը, Ժենյա Սինյակովը, Դմիտրի Գրաչյովը և նույնիսկ USB խումբը, որը ՌԴ տարածքում արգելված է երաժշտական լավ ճաշակ ունեցող մարդկանց համար:
Գլխավոր իրադարձությունը Գարիկ Մարտիրոսյանի վերադարձն է: Վերջին կես տարում նրա անվան շուրջ միֆեր և ասեկոսեներ էին պտտվում, սակայն արդեն սեպտեմբերին նա կրկին բեմ դուրս կգա ու Պավել Վոլյայի ընկերակցությամբ կշփվի հյուրերի հետ:
«2018 թվականին Երևանը նշում է իր 2800-ամյա հոբելյանը: Սա աներևակայելի քաղաք է բաց հոգով և հարուստ պատմությամբ, և մենք ուրախ ենք, որ կդառնան մեծ տոնի մի մասը: Comedy Club-ի աշխարհագրությունը մեծ է, սակայն այս աշնանը մենք ТНТ-ի համար նոր թողարկումներ ենք նկարելու Հայաստանում: Ըստ ավանդույթի, հյուրերի թվում լինելու են շատ աստղեր, դուք նույնպես եկեք: Մինչ հանդիպում Երևանում»,- ասում է Մարտիրոսյանը: -0-