479.19
7.04
447.17
+16
Եղանակը Երևանում
Հայ

Ծխողների «պիտակավորում» կամ կպայքարե՞ն ծխողներն իրենց իրավունքների համար, թե՞ ոչ

16:48
26 Հունվարի 2018

ԵՐԵՎԱՆ, 26 հունվարի./Նովոստի–Արմենիա/. Հայաստանում ակտիվացել են քննարկումները հասարակական վայրերում ծխելն արգելելու և ծխողների համար երկրում նախատեսված նոր սահմանափակումների շուրջ։

Բանավեճի նոր ալիքի առիթ դարձավ Առողջապահության նախարարության կողմից հրապարակված «Ծխախոտային արտադրատեսակների օգտագործման բացասական ազդեցության նվազեցման և կանխարգելման մասին» օրենքի նախագիծը, որով նախատեսվում է սահմանել ոչ միայն նոր արգելքներ, այլև մեծ չափի տուգանքներ։

Ըստ փաստաթղթի, նախատեսվում է արգելել ծխախոտային արտադրատեսակների օգտագործումը բժշկական և ուսումնական հաստատությունների տարածքում, թատրոններում, համերգասրահներում, թանգարաններում, գրադարաններում, կինոթատրոններում, ժամանցային կենտրոններում, մարզադահլիճներում և մարզադաշտերում, պետական կառավարման և տեղական ինքնակառավարման մարմինների շենքերում, պետական, կոմերցիոն և ոչ կոմերցիոն կազմակերպությունների տարածքներում, հյուրանոցներում, վերելակներում, բազմաբնակարան շենքերի հանրային նշանակության տարածքում, ինչպես նաև գրասենյակներում։

Загружается новость ... "Лево"

Հայաստանում առաջին անգամ օրենսդրորեն կարգելվի ծխել ճաշարաններում, ռեստորաններում, սրճարաններում, բարերում, բուֆետներում, խաղասրահներում, առևտրային կենտրոններում։

Առաջարկվումէ նաև արգելել ծխախոտի օգտագործումը ուղևորատար տրանսպորտում։ Բացի այդ, կարգելվի ծխել օդանավակայաններում, բացառությամբ դրա համար նախատեսված հատուկ տարածքների, երկաթուղային կայարաններում, ճոպանուղիներում, ավտոկանգառներում և ավտոկայաններում։

Եկեք այս պահին չներկայացնենք վիճակագրությունն այն մասին, թե որքան վնասակար է ծխախոտը ինչպես ակտիվ, այնպես էլ պասիվ ծխողների համար։ Չենք պատրաստվում նաև խոսել այն մասին, թե յուրաքանչյուր տարի որքան մարդ է մահանում ծխախոտի օգտագործումից և որքանն է գտնվում ռիսկի խմբում։ Պարզապես ներկայացնում ենք մարդկանց արձագանքը։

Սոցցանցերի օգտատերերն անմիջապես արձագանքեցին, և սկսվեցին բուռն քննարկումներ ու բանավեճեր այն հարցի շուրջ` արդյոք հարկավո՞ր է ծխողներին նման դաժան «հալածանքների» ենթարկել, թե՞ նման կատեգորիկ միջոցները նպատակահարմար չեն։

Այսպես, տեղեկատվական անվտանգության հարցերով փորձագետ Սամվել Մարտիրոսյանն ինչպես միշտ լակոնիկ է և խնդրում է չդիմել նրան ծխողների իրավունքների հարցով։ «Նման իրավունք չկա», – նշում է նա։

Իսկ քաղաքական մեկնաբան Արման Աբովյանը կատեգորիկ, սակայն հումորի որոշակի մասնաբաժնով հայտարարում է, որ այսուհետ կծխի սկզբունքորեն, ինչպես նաև ենթադրում է, որ «մեր վրա ինչ–որ փորձարկում են անում»:

ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը, թերևս, ներկայացրել է ամենակշռադատված դիրքորոշումը` «որպես նիկոտինային կապանքներով դեռ պարուրված մարդ»:

Նա համոզված է, որ ծխողների զգալի մասը իրականում կցանկանար հրաժարվել ծխելուց, իսկ «սիգարետը, այնուհանդերձ, վայելք է համարվում անգամ թողած մարդկանց կողմից»։

«Ծխելը մեր օրերում դարձել է նաև սոցիալիզացիայի միջոց։ Կարող եմ պատմել բազում օրինակներ, թե ինչպես հենց ծխարաններում ծանոթացել եմ շատ կարևոր ու ազդեցիկ մարդկանց հետ ու կապ պահել հետո », - գրել է նա Facebook-յան իր էջում:

Միաժամանակ, Աշոտյանը համոզված է, որ ծխելու դեմ պետք է իրոք պայքարել, բայց միայն Համմուրաբիի օրենքները բավարար չեն։ «Պետք է բարձրացնել մոտիվացիան նաև պոզիտիվ ազդակներով», - կարծում է նա։

Բացի այդ, պատգամավորի խոսքով, շատ եվրոպական երկրներ սկզբից շատ խիստ էին հանրային վայրերում ծխելն արգելելու հարցում, սակայն ստիպված եղան հետո մեղմել օրենսդրությունը։

«Ծխողներին ստիգմայավորելը, բարբարոսի ու անգետի կերպար կերտելը, մեղմ ասած, տեղին չէ», - կարծում է նա:

Ընդ որում, Աշոտյանը կարծում է, որ գների կտրուկ բարձրացումը խնդրի միակողմանի դիտարկում է, «քանզի ծխողների զգալի մասը պարզապես կտեղափոխվի ավելի էժան սիգարետների սեգմենտ»։

«Եվ անշուշտ, այս ամենով հանդերձ հիշենք, որ ծխելը իրոք վնասակար է մեր առողջության համար», - հավելել է նա:։

Ըստ Առողջապահության համաշխարհային կազմակերպության 2016-2017 թթ.–ին անցկացրած ուսումնասիրության, Հայաստանում ծխելու տարածվածությունը 18-ից 69 տարեկանների շրջանում կազմում է 27,8%: Ընդ որում, ամեն օր ծխում է տղամարդկանց կեսից ավելին` 51,5%: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
16:15
26 Մայիսի 2022
Ավելացնե՞լ, թե՞ պակասեցնել. ելակի ազդեցությունն օրգանիզմի վրա
Ավելացնե՞լ, թե՞ պակասեցնել. ելակի ազդեցությունն օրգանիզմի վրա
11:56
20 Մայիսի 2022
Որպես անհետ կորած որոնվող 25–ամյա երիտասարդը հայտնաբերվել է
Որպես անհետ կորած որոնվող 25–ամյա երիտասարդը հայտնաբերվել է
16:07
19 Մայիսի 2022
Հայտնի են ատամների էմալի համար ամենավնասակար ըմպելիքները
Բեռնի համալսարանի աշխատակիցները հրապարակել են իրենց հետազոտությունների արդյունքները
12:44
17 Մայիսի 2022
Քիմ Քարդաշյանի շքեղ լուսանկարները զարդարել են Sports Illustrated Swimsuit հեղինակավոր ամսագրի շապիկը (ՖՈՏՈ)
Քիմ Քարդաշյանի շքեղ լուսանկարները զարդարել են Sports Illustrated Swimsuit հեղինակավոր ամսագրի  շապիկը. ՖՈՏՈ
15:26
13 Մայիսի 2022
Ինչպե՞ս և որքա՞ն ջուր խմել օրական` նիհարելու համար
Ինչպե՞ս և որքա՞ն ջուր խմել օրական` նիհարելու համար
10:35
13 Մայիսի 2022
4 մլն անգամ ավելի մեծ է, քան մեր Արևը. հրապարակվել է մեր գալակտիկայի կենտրոնում հայտնաբերված սև խոռոչի առաջին պատկերը (ՖՈՏՈ)
4 մլն անգամ ավելի մեծ է, քան մեր Արևը. հրապարակվել է մեր գալակտիկայի կենտրոնում հայտնաբերված սև խոռոչի առաջին պատկերը. ՖՈՏՈ
16:08
10 Մայիսի 2022
Սնվելու վատ սովորություններ, որոնք խանգարում են նիհարել
Սնվելու վատ սովորություններ, որոնք խանգարում են նիհարել
19:49
07 Մայիսի 2022
Կրիշտիանո Ռոնալդուն և Ջորջինա Ռոդրիգեսը հրապարակել են նորածին դստեր լուսանկարն ու նշել անունը (ՖՈՏՈ)
Կրիշտիանո Ռոնալդուն և Ջորջինա Ռոդրիգեսը հրապարակել են նորածին դստեր լուսանկարն ու նշել անունը. ՖՈՏՈ
10:51
05 Մայիսի 2022
Ինչպես նիհարել 10 կգ 7 օրում. շատ պարզ և արդյունավետ դիետա
Քաշի նվազեցման խնդիրը միշտ արդիական է, շատ աղջիկներ և կանայք անընդհատ փորձում են տարբեր սննդակարգեր` ցանկալի արդյունքի հասնելու համար
14:25
29 Ապրիլի 2022
Ունե՞ք բարձր զարկերակային ճնշում, օգտագործեք այս տասը սննդամթերքը
Հիպերտոնիան կամ բարձր զարկերակային ճնշումը ամենատարածված սիրտ–անոթային հիվանդություններից է
16:06
28 Ապրիլի 2022
Չմոռացվող օրեր. Մենչը Հայկոյի հետ լուսանկար է հրապարակել (ՖՈՏՈ)
Չմոռացվող օրեր. Մենչը Հայկոյի հետ լուսանկար է հրապարակել. ՖՈՏՈ
11:10
26 Ապրիլի 2022
Ռուսաստանն ավելացնում է դեպի Հայաստան իրականացվող չվերթերը
Ռուսաստանն ավելացնում է դեպի Հայաստան իրականացվող չվերթերը