Աստղային դիմահարդար Գոհար Ավետիսյանը նիհարել է 28կգ–ով. ինչպե՞ս է դա նրան հաջողվել (ՖՈՏՈ)

ԵՐԵՎԱՆ, 19 հունվարի./Նովոստի–Արմենիա/. Աստղային դիմահարդար Գոհար Ավետիսյանը նիհարել է 28կգ–ով ամուսնուց բաժանվելուց հետո։

Դեկտեմբերի 28–ին հայտնի դարձավ, որ Գոհարն ամուսնալուծվում է Վաղիկ Մարտիրոսյանի հետ, գրում է woman.ru–ն։

Վերջերս Գոհարը լուսանկար է հրապարակել Instagram–ի իր էջում, որում երևում է, որ նա զգալիորեն նիհարել է։

«Սուպեր, շատ ապրես, միայն առաջ, գեղեցիկ և հաջողակ, մեծ հաճույք է հետևել, ավելի եք գեղեցկանում», – գրել են օգտատերերը մեկնաբանություններում։

Աղբյուրը նշում է, որ Գոհարի և Վաղիկի ամուսնալուծության պատճառը հայտնի չէ։ Սակայն դատելով բանաստեղծությունից, որը Գոհարը վերջերս հրապարակել է Instagram stories–ում, կարելի է եզրակացնել, որ հենց Գոհարն է հարաբերությունները խզելու հեղինակը։–0–