Աբովյանի ծննդատունը այսուհետ կաշխատի գերժամանակակից հետազոտման ապարատով
18.08.2019,
16:04
Սարքն առանձնանում է աննախադեպ հնարավորություններով:

ԵՐԵՎԱՆ, 18 օգոստոսի. /Նովոստի-Արմենիա/. Աբովյանի ծննդատունը ձեռք է բերել 2019 թվականի գերժամանակակից HS40 SAMSUNG MEDISON ֆիրմայի հետազոտման ապարատ՝ SONY տեսատպիչով: Այդ մասին Facebook-ի իր էջում հայտնել է առողջապահության նախարար Արսեն Թորոսյանը՝ հղում անելով Կոտայքի մարզպետարանին:
Աբովյանի ծննդատնից հայտնում են, որ նշված սարքով պտղի հետազոտությունը որակական բացարձակ ճշգրիտ պատկեր է հաղորդում: Այն հզոր է, գերարագ, ունի բազմաթիվ նոր ֆունկցիաներ:
Սարքն առանձնանում է աննախադեպ հնարավորություններով, նորություն է նույնիսկ զարգացած երկրների առաջատար կլինիկաների համար: