Երևանի կենդանաբանական այգին մեկ օր անվճար կգործի

ԵՐԵՎԱՆ, 28 օգոստոսի. /Նովոստի-Արմենիա/. Սեպտեմբերի 7-ին 6-16 տարեկան բոլոր երեխաների մուտքը Երևանի կենդանաբանական այգի կլինի անվճար: Այդ մասին նշվում է կենդանաբանական այգու Facebook-յան էջում:

«Այդ օրը ձեզ սպասվում են բազում անակնկալներ», - ասված է տարածած հաղորդագրությունում:

Բացի այդ, նշվում է, որ սեպտեմբերի 1-ից Երևանի կենդանաբանական այգու աշխատանքային ժամերը փոխվելու են. դրամարկղը բաց է լինելու առավոտյան 09:00-ից երեկոյան 19:00, իսկ այգու տարածքում այցելուները կկարողանան շրջել առավոտյան 09:00-ից մինչև երեկոյան 20:00:-0-