ԵՐԵՎԱՆ, 2 հոկտեմբերի. /Նովոստի-Արմենիա/. Pole-dance-ի աշխարհի չեմպիոն, հանրաճանաչ երգչուհի, դերասանուհի և պարուհի Վարդան (Վարդանուշ Մարտիրոսյան) երկրպագուների սպասումների ֆոնին, որ նա վերջապես կհայտարարի իր ամուսնության մասին, սենսիացիոն հայտարարություն է արել` նշելով, որ արդեն ամուսնացած է եղել:
Դերասանուհին այդ մասին պատմել է Աննա Սեդոկովայի «Տիեզերք» երգի ռեժիսորական աշխատանքում, հայտնել է նրա մամուլի քարտուղար Դարյա Մովչանյուկը:
Հանրաճանաչ պարուհին և երգչուհին, խենթի պես սիրահարված լինելով, ուրախությամբ ասել է «այո» իր ընտրյալին: Նա գաղտնի է պահել իր ամուսնությունը, քանի որ անհանգստանում էր, որ մարդիկ կարող են «աչքով տալ» իր կանացի երջանկությունը: Իսկ երբ հեքիաթը դառը ավարտ է ունեցել, Վարդան այլևս չի ցանկացել պատմել անհաջող փորձի մասին:
Վարդանուշը պատմել է, թե որքան է տառապել՝ չզգալով ամուսնու աջակցությունը: Նա հավանություն չէր տալիս զարգանալու իր ձգտումներին, – «Ես ստիպված էի շատ ուժ ծախսել ապացուցելու համար, թե ինչի եմ ընդունակ: Ես տքնաջան աշխատում էի՝ երազելով արժանանալ նրա հավանությանը: Բայց այդպես էլ չարժանացա` ի պատասխան ստանալով միայն քննադատություն»:
Հերթական վեճից հետո Վարդան վերադարձել է տուն և չի կարողացել բացել տան դռները: Պարզվել է, որ ամուսինը փոխել է փականները: Շնորհանդեսի ժամանակ դերասանուհին պատմել է, թե ինչ է զգացել այդ պահին. «Դռնից այն կողմ մի ամբողջ կյանք էր մնացել` մեքենայի բանալիները, բեմական հագուստը, ստեղծագործելու համար նախատեսված փաստաթղթերը, անձնական իրերը, բոլոր խնայողությունները...Այդ արարքով նա ցանկանում էր ցույց տալ, թե ինչքան վատ կլինի առանց նրա: Սակայն, հավանաբար, նա ինձ ընդհանրապես չէր ճանաչում: Այդ պահին ես վերջնականապես հասկացա, որ պետք է ամուսնալուծվեմ»:
Հարաբերությունների ավարտը համընկավ քննությունների և դիպլոմային աշխատանքի պաշտպանության հետ համալսարանում, որտեղ Վարդան երկրորդ բարձրագույն կրթությունն էր ստանում: Թողնելով ողջ կյանքը փակ դռների հետևում ՝ դերասանուհին ստիպված եղավ մի շարք դժվարությունների միջով անցնել, որոնք, սակայն, չխանգարեցին նրան «գերազանց» պաշտպանել դիպլոմային աշխատանքը: «Այժմ ես միայն ցավում եմ, որ դիպլոմ ստացել եմ նրա ազգանունով», - հեգնանքով նշել է Վարդան։
«Դուք սխալվում եք, եթե ձեզ թվում է, որ դա լավագույնն է, ինչ կարող է ձեզ հետ պատահել: Դուք ավելիին եք արժանի: Ամուսնալուծությունից հետո նյութական առումով ես ոչինչ չունեի, սակայն ամուսնության ընթացքում, չնայած ամուսնուս արգելքներին, զբաղվում էի ինքնակրթությամբ և զարգացմամբ... Ձեռք բերեցի գիտելիքներ, փորձ և աշխատասիություն, որը ոչ ոք չի կարող խլել: Ամուսնալուծությունից հետո մի որոշ ժամանակ ցանկանում էի պայքարել այն ամենի համար, ինչ իմն էր՝ ըստ օրենքի, սակայն հետո որոշեցի իմ էներգիան ուղղել երազանքների իրականացմանը: Ես տեղափոխվեցի նոր երկիր, նոր քաղաք և կյանքը սկսեցի զրոյից: Շնորհակալ եմ իմ ընկերներին և ընկերուհիներին` աջակցության և իմ տաղանդին և ինձ հավատալու համար: Այսօր ես շատ բանով կարող եմ հպարտանալ՝ VARDA™ հաջող բրենդը, VARDA Ladies Club կանանց ակումբը, սեփական ամսագիրը: Ես կառուցում եմ իմ բիզնեսը, զբաղվում եմ սիրելի գործով և անչափ երջանիկ եմ: Չեմ ասում, որ ամուսանլուծությունը լավ է, ուղղակի հիշեցնում եմ, որ այն երջանկության հոմանիշը չէ», - նշել է պարուհին: -0-