ԵՐԵՎԱՆ, 4 օգոստոսի. /Նովոստի-Արմենիա/. Արդեն մի քանի ժամ է, լարված ու պայթյունավտանգ իրավիճակ է ստեղծվել Երևան-Իջևան ավտոճանապարհի Հաղարծին գյուղի վարչական տարածքում։
Загружается новость ...
"Право"
Ինչպես հայտնում է shamshyan.com-ը, գյուղացիներն՝ ի նշան բողոքի, փակել են ճանապարհը և հայտարարում են, որ մինչև դեպքի վայր չժամանի վարչապետ Կարեն Կարապետյանը, իրենք ճանապարհը չեն բացի։
Գյուղացիների՝ ճանապարհ փակելու պատչառն այն է, որ կառավարությունն հանձնարարել է ոստիկանությանը արգելել գյուղացիներին անտառներից վառելափայտ տեղափոխել, ինչն էլ առաջացրել է գյուղացիների զայրույթը:
«Ճանապարհը դարձել է անանցանելի և խցանումն անցնում է մի քանի կիլոմետր»-, գրում է աղբյուրը։
Նշված վայր են ժամանել ոստիկանության Տավուշի մարզային վարչության, ոստիկանության Դիլիջանի բաժնի ծառայողները, ինչպես նաև Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները, ովքեր գյուղացիների հետ բանակցություններ են վարում, որպեսզի ճանապարհը բացեն։-0-