ԵՐԵՎԱՆ, 2 հոկտեմբերի. /Նովոստի–Արմենիա/. Լեգենդար ֆրանսահայ շանսոնյե Շառլ Ազնավուրին, հավանաբար, կհուղարկավորեն Փարիզի մոտակայքում գտնվող Մոնֆոր լ'Ամորի կոմունայում, հաղորդում է Ինտերֆաքսը` հղում անելով տեղական ԶԼՄ–ներին։
Ֆրանսիական ԶԼՄ–ները հայտնում են, որ Ազնավուրն անձամբ է ցանկացել, որպեսզի իրեն հուղարկավորեն այնտեղ։ Մոնֆոր լ'Ամորի կոմունայում գտնվում է շանսոնյեի տներից մեկը, որտեղ նա հաճախ ժամանակ էր անցկացնում ընտանիքի հետ։ Լրատվամիջոցները, սակայն, չեն նշում հուղարկավորության ամսաթիվը։
Միաժամանակ, Europe1 ռադիոկայանի հաղորդմամբ, Ելիսեյան պալատը քննարկում է հոկտեմբերին Երևանում արարողակարգի կազմակերպման հնարավորությունը, որի ընթացքում հարգանքի տուրք կմատուցվի մեծանուն շանսոնյեի հիշատակին։ Այդ միջոցառումը կարող է նվիրված լինել Երևանում հոկտեմբերի 11–12–ը նախատեսված Ֆրանկոֆոնիայի միջազգային կազմակերպության գագաթնաժողովի անցկացմանը, որին մասնակցելու է նաև Ֆրանսիայի նախագահ Էմանուել Մակրոնը։ Ավելի վաղ նախատեսվում էր, որ Մակրոնի հետ Երևան պետք է այցելեր նաև Ազնավուրը։
Загружается новость ... "Лево"
Ազնավուրը մահացել է կիրակի լույս երկուշաբթի գիշերը Ֆրանսիայի հարավում գտնվող իր տանը։
Շառլ Ազնավուրը (Վաղինակ Ազնավուրյան) ծնվել է 1924 թ.–ի մայիսի 22–ին։ Ազնավուրն ավելի քան 1000 երգերի հեղինակ է, հանդես է եկել 60 ֆիլմերում և վաճառել ավելի քան 100 մլն ձայնասկավառակ։ TIME և CNN ամսագրերի համատեղ հարցման համաձայն, Ազնավուրը ճանաչվել է XX դարի լավագույն էստրադային կատարողը։
Աշխարհահռչակ շանսոնյեն սկսել է երգել
9 տարեկանից։ Ելույթ է ունեցել դուետով կոմպոզիտոր Պիեր Ռոշի հետ։
1946 թ.–ին նրանք երկուսն էլ մասնակցել են Ֆրանսիայում և ԱՄՆ–ի կազմակերպված Էդիտ Պիաֆի հյուրախաղերին։ Հենց այդ ժամանակ էլ սկսվել է երգչի պրոֆեսիոնալ կարիերան։
Ազնավուրի երգերը կատարել են Ռեյ Չարլզը, Բոբ Դիլանը, Լայզա Մինելին, Խուլիո Իգլեսիասը, Միրեյ Մատյոն։
2018 թ.–ի մայիսի
22–ին հայտնի ֆրանսահայ արտիստը նշել է
94–ամյակը։ Աշխարհում վաճառվել է Ազնավուրի ձայնագրությունների 180 մլն նմուշ։–0–