ԵՐԵՎԱՆ, 17 հունվարի. /Նովոստի-Արմենիա/. Ամերիկացի երգչուհի Մրայա Քերիի նախկին օգնական Լիանա Ազարյանը շանտաժի է ենթարկում երգչուհուն` սպառնալով հրապարակել ինտիմ բնույթի տեսանյութ, հայտնում է ТСН-ն:
Երգչուհին արդեն դատական հայց է ներկայացրել նախկին օգնականի դեմ:
Ինչպես հայտնում է TMZ-ը, Քերին գործի է վերցրել Ազարյանին 2015 թ.-ի մարտին` որպես ղեկավարի օգնական: Ըստ Քերիի, դրանից հետո օգնականը խանութներում գնումներ է կատարել երգչուհու բանկային քարտով: Խանութներում զեղչ ստանալու համար նա նշել է, որ իրերը գնում է երգչուհու համար։
Загружается новость ... "Лево"
Բացի այդ, ըստ երգչուհու, նա տեղյակ չի եղել, որ Ազարյանը գաղտնի նկարահանում է իր «անձնական գործունեությունը», ինչը կարող է վնաս հասցնել ինչպես անձնական կյանքին, այնպես էլ պրոֆեսիոնալ հեղինակությանը: Մրայա Քերին պատմել է, որ նախկին օգնականն այդ տեսանյութը ցուցադրել է իր որոշ ընկերներին և սկսել շանտաժի ենթարկել երգչուհուն, որպեսզի վերջինս գործից չազատի իրեն:
Քերին պնդում է, որ Ազարյանին տարեկան 327 հազար դոլար է վճարել, սակայն ազատել է աշխատանքից 2017 թ.-ի նոյեմբերին: Այդ ժամանակ էլ, ինչպես նշում է երգչուհին, սկսվել է շանտաժը: Քերին նշել է, որ Ազարյանը պահանջում է 8 մլն դոլար և գումարը չստանալու դեպքում սպառնում է ԶԼՄ-ներին վաճառել ոչ միայն տեսայութը, այլ նաև այլ «վնասակար տեղեկատվություն»:
Հայցում նշված չէ, թե կոնկրետ ինչ է պատկերված տեսանյութում, սակայն որոշները բնութագրվում են որպես ինտիմ: Երգչուհին փորձել է հետ ստանալ այդ տեսանյութերը, սակայն ապարդյուն: Հիմա նա պահանջում է բարոյական փոխհատուցում 3 մլն դոլարի չափով:-0-
