Քիմ Քարդաշյանը հուզիչ գրառում է հրապարակել` նվիրված հոր հիշատակին

ԵՐԵՎԱՆ, 20 հունիսի. /Նովոստի-Արմենիա/. Ամերիկահայ աստղ Քիմ Քարդաշյանը Հայրերի օրվա կապակցությամբ հուզիչ գրառում է հրապարակել Facebook սոցցանցի իր էջում` նվիրված հոր` Ռոբերտ Քարդաշյանի հիշատակին։



«Շնորհավո~ր Հայրերի օրը, հայրի´կ: Դու աշխարհի լավագույն հայրն էիր: Հիշում եմ մեր վերջին զրույցը, երբ ես ասացի, որ երջանիկ եմ, որ քեզ նման օրինակելի հայր ունեմ: Մի հիասքանչ օր ես էլ երեխաներ կունենամ և կսովորեցնեմ նրանց այն ամենը, ինչ դու ես ինձ սովորեցրել: Ես այնքան ուրախ եմ, որ դու իմ հայրն ես եղել։ Քեզ շատ եմ սիրում», - գրել է Քարդաշյանը:

Իր հաջորդ գրառման մեջ հեռուստաաստղը գովաբանել է իր ամուսնուն` հանրահայտ ռեփեր Քանյե Ուեսթին, ով իրենց երեք տարեկան դստեր Նորթի և վեց ամսական Սեյնթի հայրն է:



«Տոնդ շնորհավո՜ր, սիրելի´ս: Շնորհակալ եմ, որ մեր ընտանիքը միշտ քեզ համար առաջին տեղում է և դու փորձում ես լավագույն հայրը լինել մեր երեխաների համար: Չէի կարող երազել ավելի լավ ամուսնու և ավելի կատարյալ ընտանիքի մասին», - անկեղծացել է Քարդաշյանը: -0-