ԵՐԵՎԱՆ, 24 հուլիսի. /Նովոստի-Արմենիա/. Հայաստանում 2019 թ.-ի առաջին կիսամյակում գրանցվել է հանցագործությունների աճ 35.3%-ով: Այդ մասին այսօր լրագրողների հետ զրույցում հայտնեց ոստիկանության շտաբի ղեկավար, գնդապետ Արմեն Գուկասյանը:
«Բոլոր ուժերի կենտրոնացման և լուրջ աշխատանքի շնորհիվ հնարավոր է դարձել կրճատել տեմպը մինչև 9%: Դրական է այն փաստը, որ նվազել է անձի դեմ հանցագործությունների թիվը` 21,5%-ից մինչև 16,4%: Միաժամանակ 44,4%-ից 51.2% աճել է սեփականության դեմ հանցագործությունների թիվը», - ասաց նա:
Ըստ նրա, առաջին կիսամյակում ծանր հանցագործությունների թիվն աճել է 16.2%-ով, ինչը պայմանավորված է բնակարանային գողություններով և կաշառակերությամբ: Արձանագրվել է նաև սպանությունների և մահափորձերի, գողությունների, կողոպուտների և խարդախությունների աճ: Ղուկասյանը նշեց, որ զգալիորեն նվազել է առողջությանը կանխամտածված վնաս պատճառելու դեպքեր, այդ թվում`լուրջ վնասվածքներ և սեռական ոտնձգություններ:
«Մենք կարևորում ենք այդ միտմանը, քանի որ, ըստ Սահմանադրության, մարդու կյանքն ամենաբարձր արժեքն է», - ասաց նա:
Միաժամանակ գնդապետը նշեց, որ գրանցված հանցագործությունների թվի աճը պայմանավորված է նաև նրանով, որ հանրապետության բնակչության շրջանում արձանագրվել է վստահության աճ իրավապահների նկատմամբ, և մարդիկ այլևս չեն վախենում դիմել ոստիկանություն: Ղուկասյանը նշեց նաև նախկինում ներման շնորհիվ ազատված անձանց կողմից կրկնվող հանցագործությունների բարձր մակարդակը:
«Ներման շնորհիվ ազատված 658 մարդկանցից 178-ը կրկին կատարել են հանցագործություն», - ասաց Ղուկասյանը:-0-