ՀՀ-ում անկայուն եղանակ է սպասվում

ԵՐԵՎԱՆ, 9 մայիսի. /Նովոստի-Արմենիա/. Հայհիդրոմետծառայությունը ներկայացնում է առաջիկա օրերի եղանակի կանխատեսումը:

Հայաստանի տարածքում մայիսի 9-ին, 11-13-ին առանձին շրջաններում կեսօրից հետո սպասվում են կարճատև անձրև և ամպրոպ, առանձին վայրերում հնարավոր է կարկուտ։

Մայիսի 10-ին շրջանների զգալի մասում ժամանակ առ ժամանակ սպասվում են անձրև և ամպրոպ։ Մայիսի 14-ին սպասվում է առանց տեղումների եղանակ:

Քամին՝ հարավային` 3-8 մ/վ, ամպրոպի ժամանակ սպասվում է քամու ուժգնացում՝ 15-20 մ/վ:

Օդի ջերմաստիճանը մայիսի 9-ի ցերեկը կբարձրանա 2-3, 10-ի ցերեկը կնվազի 4-6 աստիճանով, 11-14-ը կրկին նույնքան կբարձրանա։

Երևանում մայիսի 9-ին, 11-14-ին սպասվում է առանց տեղումների եղանակ, 10-ին ժամանակ առ ժամանակ սպասվում են անձրև և ամպրոպ։-0-