ՀՀ սոցիալական ապահովության ծառայությունը մեկնաբանել է թոշակառուների փաստաթղթերի հետ կապված խնդիրները

ԵՐԵՎԱՆ, 22 մայիսի. /Նովոստի-Արմենիա/. ՀՀ սոցիալական ապահովության ծառայությունը պարզաբանումներ է ներկայացրել մամուլում հրապարակված տեղեկության վերաբերյալ, որ թոշակառուները հաճախ հայտնվում են խնդիրների առաջ` աշխատանքային ստաժը հաշվարկելու ժամանակ:

Ըստ «Ժողովուրդ» օրաթերթի, ՀՀ քաղաքացիները, որոնք հասնում են կենսաթոշակային տարիքի, հաճախ հայտնվում են լուրջ խնդրի առաջ, աշխատանքային ստաժը հաշվարկելու ժամանակ քաղաքացու համար արխիվային տե­ղեկանքները դարձել են անհասանելի: Նրանք չեն կարող արխիվից ձեռք բերել իրենց աշխատանքային ստաժի վերաբերյալ տեղեկանքները:  Այս խնդրի միակ լուծումը դատարան դիմելն է:

«Որոշ դեպքերում Հայաստանի ազգային արխիվը հրաժարվում է տեղեկանք տրամադրել համապատասխան փաստաթղթերի բացակայության պատճառով, այսինքն եթե գործատուն չի հանձնել փաստաթղթերը արխիվ», - նշեցին ծառայությունում:

Գերատեսչությունում նշեցին նաև, որ արխիվային փաստաթղթերի բացակայության դեպքում, աշխատանքային ստաժը կարող է հաստատվել դատարանում:-0-