ԵՐԵՎԱՆ, 30 սեպտեմբերի. /Նովոստի-Արմենիա/. Հայաստանում 2020-ից 2024 թ.-ը կիրականացվի տարեցների համար բարենպաստ և առողջ միջավայր ստեղծելու, ինչպես նաև արժանի և ակտիվ ծերություն ապահովելու քաղաքականությունը: Այդ մասին այսօր լրագրողների հետ հանդիպմանը ասաց ՀՀ աշխատանքի և սոցիալական հարցերի առաջին փոխնախարար Գեմաֆին Գասպարյանը:
Ըստ Գասպարյանի, այս նախաձեռնությունը հանդիսանում է «Տարեցների խնամքի ծառայությունների վերացման ռազմավարություն, ինչպես նաև տեղական այլընտրանքային ծառայությունների ներդրում և զարգացում»:
Նախարարը նշեց, որ ծրագրի նպատակներից մեկն է հասնել նրան, որպեսզի տարեց մարդիկ ակտիվ մասնակցություն ունենան հասարակության զարգացման գործում, այդ թվում` մարզերում:
Այդ նպատակով կկառուցվեն հատուկ հաստատություններ. 6-ից 10 մարդու համար նախատեսված ցերեկային ակումբներ, որտեղ կապահովվի տարեցների ցերեկային ժամանցը:
Այսօրվա դրությամբ տարեկան պետոթյունը հատկացնում է 2 մլրդ 148 մլն դրամ գիշերօթիկ տներում տարեցների 24-ժամյա խնամքի համար: Գործում է նաև տարեցներին բնակարանով ապահովելու ծրագիր:-0-