«Չեխական ավիաուղիները» Պրահա- Երևան- Պրահա երթուղով կանոնավոր չվերթեր են մեկնարկում

ԵՐԵՎԱՆ, 23 մարտի. /Նովոստի Արմենիա/. Czech Airlines («Չեխական ավիաուղիներ») ավիաընկերությունը Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության կողմից ստացել է թույլտվություն՝ Պրահա-Երևան-Պրահա երթուղով կանոնավոր չվերթեր իրականացնելու համար: 

Չվերթների մեկնարկը կտրվի սույն թվականի հունիսի 8-ին: Չվերթերը կիրականացվեն շաբաթական 2 չվերթ հաճախականությամբ՝ յուրաքանչյուր չորեքշաբթի և շաբաթ օրերին: