ԵՐԵՎԱՆ, 14 մարտի. /Նովոստի–Արմենիա/. Մոդել և դերասանուհի Շուշան Երիցյանն առաջին անգամ կներկայացնի Արցախի Հանրապետությունը Իսպանիայում կայանալիք գեղեցկության միջազգային մրցույթում։
«Մեծ հպարտությամբ ուզում եմ տեղեկացնել , որ մայիսի 5-15-ը Costa Blanca Fashion Week- International Best Male and Female World 2017-ում առաջին անգամ կներկայացվի Արցախի Հանրապետությունը», – գրել է Երիցյանը Facebook–յան իր էջում։
«Ինչ խոսք անասելի պատասխանատու և որոշիչ քայլ է ազատ ու անկախ Արցախը ներկայացնել միջազգային հարթակում, ջանք ու եռանդ չենք խնայելու մեր երկիրը բարձր մակարդակով ներկայացնելու և ինչու ոչ՝ լավագույն արդյունքներով վերադառնալու համար», – ավելացրել է աղջիկը։–0–