Արենիում կվերագործարկվի լուսանկարահանող արագաչափ սարքը

ԵՐԵՎԱՆ, 24 հոկտեմբերի. /Նովոստի-Արմենիա/. Արենի համայնքում վերագործարկվելու է նախկինում տեղադրված արագաչափ սարքը, հայտնում է ՀՀ ճանապարհային ոստիկանության մամուլի ծառայությունը:

«Հաշվի առնելով, որ սահմանված երթևեկության առավելագույն արագության պահպանման նկատմամբ լուսանկարահանող տեխնիկական միջոցներով վերահսկողության բացակայությունը մեծ թվով վարորդների համար նպաստավոր պայմաններ է ստեղծում երթևեկության առավելագույն արագության գերազանցման համար՝ նպաստելով վթարային իրադրության առաջացմանը, «Ոստիկանության մասին» ՀՀ օրենքի 22-րդ հոդվածի կարգով, Մ-2 Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի 102-րդ կմ-ին՝ Արենի համայնքի տարածքով անցնող ճանապարհահատվածում 2019 թվականի հոկտեմբերի 28-ից վերագործարկվելու է նախկինում տեղադրված լուսանկարահանող արագաչափ սարքը», - նշվում է տարածած հաղորդագրությունում:

Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:-0-