Արցախում վիրավորված 3 զինծառայողների վիճակը ծանր է

ԵՐԵՎԱՆ, 7 հուլիսի. /Նովոստի–Արմենիա/. Այսօր` հուլիսի 7-ին, հակառակորդի կողմից օգտագործված զինատեսակներից վիրավորումներ ստացած երեք զինծառայողների առողջական վիճակը շարունակում է ծանր մնալ:

Այս մասին հաղորդում է armtimes.com–ը` հղում անելով Արցախի ՊԲ մամուլի խոսնակ Սենոր Հասրաթյանին։

Այսօր առավոտվանից սկսած հակառակորդը արցախա-ադրբեջանական հակամարտ զորքերի շփման գծում խախտում է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր:

Հակառակորդի նախահարձակ ակտիվությունը ճնշելու համար ՊԲ առաջապահ զորամասերն իրականացնում են պատասխան գործողություններ:

Ինչպես հաղորդում է Yerkir.am–ը, հղում անելով Ստեփանակերտի հոսպիտալին, զինծառայողներից մեկը վիրավորում է ստացել գլխի շրջանում, նրան շտապ վիրահատել են: Բժիշկները նրա առողջական վիճակը գնահատում են ծանր:–0–