ԵՐԵՎԱՆ, 13 մարտի. /Նովոստի Արմենիա/. Անջելինա Ջոլիի երեխաներին դաստիարակելու մեթոդները միշտ էլ քննադատության առարկա են եղե. շատերը սխալ են համարում, որ դերասանուհին թույլ է տալիս իր աղջիկներին տղայի հագուստ կրել։
Հիմա Բրեդ Փիթի նախկին կինն ավելի մեծ հարձակումների է ենթարկվել հասարակության կողմից: Նա այնպիսի հայտարարություն է արել, որը կասկածի տակ է դրել նրա առողջ բանականությունը, հայտնում է graziamagazine.ru-ն:
«Այսպիսով, դերասանուհին խոստովանել է, որ մայնության պահերին դատարկություն է զգում: Այս իսկ պատճառով նա անգամ լոգանք է ընդունում երեխաներից որևէ մեկի ներկայությամբ։
«Ես իսկապես երբեք չեմ հանգստանում և զայրանում են, երբ մարդիկ ինձ խորհուրդ են տալիս հանգստանալ: Ես այն մայրիկներից եմ, ովքեր միշտ զբաղված են իրենց երեխաներով, անգամ լոգանք եմ ընդունում երեխաներից որևէ մեկի ներկայությամբ: Ցանկանում եմ սովորեցնել նրանց կարեկցանքի ու սեփական փորձով ցույց եմ տալիս, թե որքան կարևոր է հոգ տանել ուրիշների մասին: Ինչպես նաև չլինել եսասեր», - ասել է Ջոլին:
Հասարակությունը նշել է, որ երեխաների նկատմամբ մոր նման պահվածքը կարող է բացասաբար ազդել երեխաների հասունության վրա:
Հիշեցնենք, որ Անջելինան ու Բրեդը միասին ապրել են ավելի քան 10 տարի: Նրանք երեք կենսաբանական երեխա ունեն` 9-ամյա երկվորյակներ Վիվիեն Մարշելինն ու Նոքս Լեոնը, ինչպես նաև 11-ամյա դուստր Շայլո Նուվելը: Նախկին ամուսինները ունեն նաև երեք որդեգրված երեխաներ` 15-ամյա Մեդոքս Շիվանը` Քամբոջիայից, 13-ամյա Պաքսա Թիենան` Վիետնամից ու 12-ամյա Զախարան` Եթովպիայից։ Ամուսնալուծությունից հետո բոլոր երեխաները մնացել են մոր հետ:-0-