- 7 կգ 2 շաբաթում. հեշտ նիհարելու պարզ միջոց

ԵՐԵՎԱՆ, 4 օգոստոսի. /Նովոստի–Արմենիա/. Ավելորդ քաշի դեմ պայքարող մարդիկ կարող են փորձել Սքարսդեյլյան դիետան։

Ինչպես գրում է obozrevatel.com–ը, հղում անելով Di Lei–ին, այս դիետան նախատեսված է 14 օրվա համար։ Սքարսդեյլյան դիետայի հիմքում մթերքների ցածր կալորիականություն է, մեծ թվով սպիտակուցն ու քիչ քանակի ածխաջուրը և յուղը։ Սննդակարգում սննդարար նյութերի հարաբերակցությունը պետք է լինի հետևյալ կերպ` 43% սպիտակուց, 22.5% յուղ, 34.5% ածխաջուր։ Նման չափաբաժինը թույլ է տալիս նվազեցնել ավելորդ քաշը (մինչև 7 կգ երկու շաբաթում) և միաժամանակ չտառապել քաղցի զգացումից։ 

Նշենք, որ այս դիետան ներառում է մեծ թվով ձու, միս, ձուկ և պանիր։ Պետք է նաև խմել շատ ջուր (օրական առնվազն երկու լիտր)։ Այս դիետայի ժամանակ արգելվում է օգտագործել կաթ, գազավորված ըմպելիքներ և ալկոհոլ։

Մոտավոր մենյու

Նախաճաշ – թուրինջ, խոշոր աղացվածքի ալյուրից պատրաստված հացի թոսթ, բնական սուրճ կամ թեյ

Ճաշ – անյուղ կաթնաշոռ, երկու ձու, խոշոր աղացվածքի ալյուրից պատրաստված հացի թոսթ

Ընթրիք – գրիլ արած հավի ճուտ, սպանախ, կանաչ քաղցր պղպեղ և թեյ։–0–