WhatsApp-ի օգտատերերին հետևելու հավելված է ստեղծվել

ԵՐԵՎԱՆ, 2 ապրիլի. /Նովոստի Արմենիա/. App Store-ում հայտնվել է Chatwatch հավելվածը, որը թույլ է տալիս iPhone ունեցողներին հետևել WhatsApp օգտատերերին, հայտնում է Lenta.ru-ն` հղում անելով Lifehacker-ին:

«Օգտագործեք Chatwatch-ը ձեր ընկերների, հարազատների ու աշխատակիցների ակտիվությունը վերահսկելու համար», - նշվում է հավելվածի նկարագրության մեջ։

Chatwatch-ը հնարավորություն է տալիս նաև ստուգել` զրուցե՞լ են, արդյոք, կոնտակտների ցանկից ընտրված մարդիկ: Այդ նպատակով հավելվածը զուգակցում է մի քանի օգտատերերի անձնական տվյալները:

Ծրագրի միջոցով մշակողները նպատակ ունեն ուշադրություն հրավիրել այն փաստին, թե ինչպես է Facebook–ը մշակում սոցկայքերի ու մեսենջերների օգտատերերի անձնական տվյալները:

Հավելվածի արժեքն է 1,99 դոլար: Այդ գումարի դիմաց օգտատերերը հնարավորություն են ստանում մեկ շաբաթվա ընթացքում հետևել ընտրված երկու կոնտակներին: Մշակողները նշում են, որ ամբողջ հասույթը կուղղվի ծրագրի զարգացմանն ու ոչ առևտրային ընկերության ֆինանսավորմանը, որը հանդես է գալիս ԱՄՆ նախագահ Դոնալդ Թրամփի դեմ:-0-