Volterman–ի մշակողները մտադիր են ստեղծել աշխարհում առաջին սավառնող տեսախցիկը (ՎԻԴԵՈ)

ԵՐԵՎԱՆ, 18 հոկտեմբերի. /Նովոստի–Արմենիա/. Volterman-Ring սմարթ դրամապանակի հայ մշակողները հայտնել են աշխարհում Moon սավառնող խցիկի ստեղծման մասին։

Մշակողները դրամահավաք են սկսել Indiegogo կայքում` խցիկի արտադրության նպատակով։

Ցերեկային և գիշերային տեսանելիության խցիկն օժտված կլինի բացառիկ օպցիաներով։ Այն կկարողանա հեռարձակել պատկերն օնլայն ռեժիմով` պտտվելով 360 աստիճանով։


Տեսախցիկում օգտագործվող տեխնոլոգիան ապահովում է անաղմուկ և ամբողջովին վերահսկելի սավառնում։ Տեսախցիկը կարող է սահուն պտտվել և առանց որև ուղղությամբ մնալու։ Այն նաև լիցքավորվում է անլար ցանցով` աշխատելով 24.7 ռեժիմով։

Տեսախցիկի արտադրությունը գործարկելու համար դրա մշակողներին պահանջվում է հավաքել 45 հազար դոլար։

Volterman–ի խելացի դրամապանակն ունի հինգ բացառիկ ֆունկցիաներ, որոնք, մասնավորապես, թույլ են տալիս տիրոջը գտնել այն, ինչպես նաև լիցքավորել հեռախոսը և այլ գաջեթներ։ -0-