Uber–ն ու NASA–ն թռչող տաքսիների ցանց է գործարկում (ՖՈՏՈ)
ԵՐԵՎԱՆ, 19 նոյեմբերի. /Նովոստի Արմենիա/. Uber ընկերությունը և NASA–ն պայմանագիր են կնքել թռչող տաքսիների ցանց գործարկելու վերաբերյալ։ Uber–ը հայտնել է 2020 թվականին Լոս Անջելեսում թռիչքների փորձարկման ծրագրերի մասին, գրում է bigpicture.ru–ն։
Թռչող տաքսիներն իրականություն դարձնելու իր մտադրության շրջանակում Uber–ը քայլ առաջ է կատարել` NASA–ի հետ ստորոգրելով պայմանագիր տաքսիների կառավարման ծրագրի մշակման համար։ Uber–ի արտադրության բաժնի տնօրեն Ջեֆ Հոլդենը հայտարարել է այդ որոշման մասին Լիսաբոնում անցկացված առցանց գագաթնաժողովի ընթացքում։
Uber–ի պնդմամբ, թռչող տաքսու շնորհիվ ուղևորությունը, որը մեքենայով կարելի է կատարել 80 րոպեում, կկրճատվի` հասնելով մոտ 4 րոպեի։
Փորձագետները կասկածում են, որ նախագիծը հաջողության կհասնի, քանի որ ընկերությունը ստիպված կլինի բախվել մի շարք լուրջ խնդիրների հետ։
«Տեխնիկապես դա հնարավոր է, սակայն դա չի նշանակում է, որ այն հնարավոր է օդային տարածքի բացման տեսանկյունից։ Խնդիրներ կան կապված այն հարցի հետ, թե ինչպես է նմանատիպ տրանսպորտը կառավարվելու, ապահովագրվելու և գրանցվելու։ Uber–ը ներկայանում է որպես ապագայի ապրանքանիշ։ Դա կարող է ավելի շատ մարքեթինգային հնարք լինել, քան իրական պրոդուկտ», – ասել է Բիրմինհեմի համալսարանի պրոֆեսոր Դևիդ Դանը։ –0–
